БРАНКО ТРИЧКОВСКИ
Толку премиери и претседатели отидоа на суд и в затвор, не гледам зошто Иванов би имал повластена позиција. Обратно, глупавата „финоќа” на државата, може да и се скрши од главата
Не знам дали Судот за човекови права во Стразбур ќе ја актуелизира аболицијата на Иванов, но знам дека Македонија треба да го актуелизира случајот со поранешниот претседател како видна алка во Злосторничкото здружување на вмро-дпмне, со процеси во кои ќе се третираат многукратните кршења на уставот во функција на злосторничкиот потфат и на велепредавството.
Со неверојатни штети врз државата и граѓаните.
Знам, исто така, дека тие постапки досега не се покренати поради страв од преседанот да се гони еден претседател, но, знам и тоа дека вистинскиот страв треба да се крие во бегањето од тој преседан, не во неговото покренување.
Неговата аболиција не е правен и државнички акт, туку акт на најтешка злоупотреба на правото, односно акт на злото, на уставокршачите, на велепредавнците, на злосторничкиот потфат отелотворен во Иванов. Работи кои доведоа до вонредните мерки во Македонија иницирани и патронирани од ЕУ и САД. До извештајот на Прибе.
Тој извештај како комплет мора да биде поместен во одговорот на Македонија. Тие мерки се доказ дека аболицијата беше акт на злото. На заробената држава.
Толку премиери и претседатели отидоа на суд и в затвор, не гледам зошто Иванов би имал повластена позиција. Обратно, глупавата „финоќа” на државата, може да и се скрши од главата.
