Кина се обидува да го направи светот да личи на неа, рече советникот за национална безбедност на САД. Комунистичката партија на Кина сака да знае се`за вас, рече тој пред група бизнисмени во Аризона
Советникот за национална безбедност на претседателот на САД Роберт О`Брајен, вели дека Кина се обидува да го направи светот да личи на неа. Зборувајќи пред група бизнисмени во Феникс, Аризона, О`Брајен рече дека американските политичари, со децении наназад, наивно верувале дека Кинеската комунистичка партија постепено ќе премине кон демократија, како што се развива економски, истовремено потценувајќи ги бројните прекршувања на човекови права од страна на Пекинг.
Тој рече дека Кина направила огромен напор да влијае врз мислењето во САД, велејќи дека луѓето во повеќе од дванесет американски градови на радио слушаат прокинеска пропаганда. Еден пример на лажни наративи што биле пренесувани, истакна тој, е оти коронавирусот бил донесен во Кина минатата година од американски војник.
О`Брајен, исто така, рече дека Кина се обидува да обезбеди лични податоци за милиони Американци, прибирајќи информации преку банкарски сметки, здравстевно осигурување, хотели, дури и од сајтови за наоѓање партнери.
„Комунистичката партија на Кина сака да знае се`за вас“, рече тој.
Администрацијата на Трамп воведе рестрикции за кинеските компании, кои се поврзани со разузнавачката служба на Комунистичката партија, меѓу кои технолошкиот гигант Хуавеи, за кој САД сметаат дека ќе ја користи 5Г мрежата да ги шпионира Американците.
И индиските власти не се задоволни од однесувањето на Пекинг во погрнаичните области.
„Јасен е нашиот став за случувањата во западниот сектор од границата на Индија со Кина – јасно е утврдено дека беа извршени кинески активности што предизвикаа зголемување на тензиите во регионот, а исто така и на насилно соочување на 15 јуни кога беа регистрирани жртви“. Тоа се нагласува во изјава на портпаролот на индиското Министерство за надворешни работи.
Тој додава дека кинеската страна презела активности за да спречи нормално, традиционално патролирање на Индија во областа на долината Галван.
„Кон средината на мај, кинеската страна се обидуваше да промени статус-кво статус во други области на Западен сектор. Ние упативме протест поради кинеските активности и преку дипломатскиот и воениот канал и јасно ставивме до знаење дека секоја таква промена е неприфатлива за нас“.
Портпаролот нагласува дека високи команданти се состанале на 6 јуни 2020 година и се согласиле за процес за деескалација со реципрочни активности.
„Двете страни се согласија да почитуваат и да не преземаат никаква активност за промена на статус кво“.
Тој објаснува дека кинеската страна се повлекла од тие ставови и „кинеските трупи презедоа насилни активности на 15 јуни 2020 година, што директно резултираше со жртви. Обете страни остануваат распоредени во голем број во регионот, додека воените и дипломатските контакти продолжуваат“.
Портпаолот наведува дека од почетокот на мај, кинеската страна собира голем контингент војници и вооружување долж тој сектор. Ова не е во согласност со одредбите на нашите различни билатерални договори, особено клучниот договор од 1993 година за одржување на мирот и смиреноста по должината на линијата на реална контрола во граничните области Индија-Кина. Ова особено забележува дека „секоја страна ќе ги задржи своите воени сили во областите по должината на линијата на реална контрола на минимално ниво компатибилно со пријателските и добрососедските односи меѓу двете држави“.
„Очигледно, индиската страна мораше да преземе контра распоредувања и како резултат на тоа, тензииите се зголемија . Индиската страна никогаш не презела какви било активности во тој сектор и никогаш не се обидела еднострано да го смени статус кво“.
„За жал, во последните неколку години доживеавме пречка за патролирање, кои честопати ги придружуваат напорите за еднострано менување на статус кво ситуацијата.
Однесувањето на кинеските сили оваа година беше во целосна непочитување на сите меѓусебно договорени норми, соопшти тој.
„Одржувањето на мирот и спокојството во граничните области е основа на нашите билатерални односи. Императив е воспоставените механизми да ги користат обете страни за решавање на тековната состојба. Очекуваме дека кинеската страна ќе обезбеди забрзано враќање на мирот и спокојството во граничните области. Продолжение на тековната состојба само ќе ја загрози атмосферата за развој на меѓусебните односи“.
