Уште една шионска афера во Бугарија поврзана со Русија. И тоа во ек на руската инвазија на Украина
Специјализираното обвинителство и Државната агенција за национална безбедност (ДАНС) соопштија дека спроведуваат истрага за шпионажа во корист на Русија во која учествувале бугарски генерал и дипломат од руската амбасада во Софија. Генералот, кој сега е во резерва, учествувал во мисии надвор од Бугарија; работел во Министерството за одбрана; имал пристап до доверливи информации во врска со ЕУ и НАТО. Обвинителството не го објави името на генералот.
Според податоците од истрагата, за координација и пренесување на информацијата бил искористен Русин со дипломатски имунитет како советник во руската амбасада во Софија. Како покритие за незаконската активност се одржувале конспиративни средби, преносни мемориски картички, криптирани уреди и шифрограми за кодирање на меѓусебната комуникација.
Бугарските медиуми јавуваат дека во моментов се вршат претреси на две адреси и автомобили во сопственост на бугарскиот државјанин.
Ова е втор случај на шпионажа во корист на Русија.
Пред точно една година, обвинителството повторно гласно објави дека открило група бугарски офицери кои го шпионирале Министерството за одбрана во корист на Русија. Тогашниот премиер Бојко Борисов побара од Русите да престанат да шпионираат во Бугарија. Шпионската група приведена во март 2021 година се состоеше од шест лица. Откритијата на обвинителството се фокусираа на директорот на доверливиот регистар на Собранието, Љубомир Медаров, за кој неофицијално беше објавено дека објавил тајни податоци на флеш драјвови. Случајот веќе е во суд и го води военото обвинителство. Другата личност во групата беше поранешниот шеф на военото разузнавање Иван Илиев. Двајца руски дипломати беа протерани поради аферата.
