Овој најзначаен инвестиционен потфат во сферата на аграрот во гевгелискиот реон е започнат и завршен во време на владеењето на СДСМ. ПОлнењето на браната, како далеку најлесен потфат на ноивата власт послер 2024 година изостана, будејќи новотк раководство во Министерството за земјоделство оче видно заглади во некои имотно правни проблеми
Проектот вреден 40 милиони евра беше финансиран од буџетот на Министерството за земјоделство, шумарство и водостопанство. Изградбата на браната „Конско“ започна во 2018 година и комплетно е завршена во 2024 година.
Техничкиот прием се очекува да биде спроведен во текот на август и септември. Врз динамиката на постапката дополнително влијаеја и имотно-правните прашања, особено неажурираните податоци за сопствениците, неизложените парцели, нерешените имотно-правни односи, како и жалбите и управните постапки што сè уште се во тек. Овие околности предизвикаа делумно пролонгирање на предвидените рокови – велат од МЗШВ.
Почетокот на полнењето на акумулацијата ќе може да започне по завршувањето на техничкиот прием и по добивањето дозвола за употреба. Практичното користење на акумулираната вода за наводнување, пак, е условено со изградбата на соодветниот систем за наводнување. Проектната документација за изградба на системот за водоснабдување и наводнување е во фаза на изработка. Поради големиот опфат и техничката сложеност на системот, нејзиното завршување се очекува до декември оваа година – истакнаа од ресорното министерство.
Со изградба на браната „Конско“ се формира акумулација со волумен од околу 20 милиони кубни метри, на површина од 10,8 хектари и во должина од 2,5 километри. Ќе се обезбеди редовно снабдување со квалитетна вода за пиење, за наводнување на земјоделските површини, за производство на електрична енергија, но ќе значи и обезбедена вода за дотур за спас на Дојранското Езеро. Дополнително, вештачкото езеро на браната „Конско“, кое се наоѓа веднаш под излетничко-рекреативниот локалитет Смрдлива Вода на Кожув, на само 20 километри оддалеченост од градот, претставува нова содржина во локалната туристичка понуда на Гевгелија.
Глобално, ова ќе значи зголемување на економскиот пораст, животниот стандард на населението, унапредување на здравјето и на квалитетот на живот на граѓаните од целиот овој крај и развој на Општина Гевгелија на повеќе нивоа.
(Р.Г.)
