Дали ќе стивнат реакциите за информацијата за нов шеф на конзулатот на Северна Македонија во Њу Џерси, откако еден портал објави дека таму требала да биде упатена вистинска аматерка за оваа функција?
„Нема промена на Генералниот конзул во Тотова во Њу Џерси“ – е реакцијата на Министерството за надворешни работи дури еден ден откако јавноста, но и политичките кругови беа изненадени од информацијата дека 28 годишна ТВ презентерка, без какво било дипломатско искуство, ќе биде нов шеф на конзулатот кој го покрива источниот дел од САД.
„Со оглед дека се работи за информации од доверлив карактер, дозволете да информираме дека Република Северна Македонија во моментов има Генерален конзул во Тотова, САД, Јордан Панев, кој е дипломат од кариера, и кој е избран согласно сите законски прописи. Во моментов тој е на половина од својот мандат и засега не се предвидува негова предвремена замена“, се вели во соопштението на МНР.
Во него ниту се потврдува, ниту се демантира информацијата дека неквалификувана личност, како што вели опозицијата, првично поминала на затворена седница на владата, па потоа, по острите реакции, било повлечено нејзиното именување.
„Со оглед дека се работи за информации од доверлив карактер, дозволете да информираме дека Република Северна Македонија во моментов има Генерален конзул во Тотова, САД, Јордан Панев, кој е дипломат од кариера, и кој е избран согласно сите законски прописи. Во моментов тој е на половина од својот мандат и засега не се предвидува негова предвремена замена“, се вели во соопштението на МНР.
Она што е извесно по соопштението на МНР е дека младата 28 годишна презентерка нема дипломатска кариера како конзул во САД, чие именување е во надлежност на министерството и на владата. По реакциите во јавноста, реагираше и претседателот Пендаровски појаснувајќи дека таа материја не е во неговите ингеренции.
По прифаќање на кандидатот од страна на Владата, Министерството бара егзекватура од земјата на приемот.
Повеќе години е празно амбасадорското место во САД – клучниот стратешки сојузник на земјава. По фијаското со обидот за праќање на професорот Фрчкоски за амбасадор во Вашингтон, засега е нејасно кој би можел да ја преземе една од клучните амбасадорски позиции во дипломатската мрежа.
Пенев и искусен амбасадор. Беше, меѓу другото и конзул во Турција и одлично го познава турскиот јазик. Избраниот конзул во Њујорк треба да познава, освен англискиот и уште еден светски јазик кој се говори во ОН. Секако и да има искуство во меѓународните односи.
