Новиот закон, кој ќе стапи на сила на почетокот на јули 2025 година, им овозможува на работниците да работат до 48 часа неделно, наместо сегашните 40. Најдолги работни часови во Европската Унија се забележани во Грција (39,8 часа), Бугарија (39), Полска (38,9) и Романија (38,8)
Грчкиот парламент донесе контроверзен закон за труд со кој се дозволува 13-часовно работно време, и покрај силното противење и штрајковите низ целата земја.
Додека грчката влада тврди дека на овој начин ќе го модернизира Законот за труд, претставникот за печатот на левичарската партија Сириза го нарекува новиот пропис „правна монструозност“. Според новиот закон, вкупниот прекувремен труд во текот на една година не може да надмине 150 часа, а работната недела од 40 часа останува
Владата тврди дека подолгото работно време од 13 часа не е задолжително, ќе биде опционално и ќе се однесува само на приватниот сектор и не може да се применува повеќе од 37 дена во годината.
Пратениците на владејачката централно-десничарска партија Нова демократија гласаа за новиот закон, додека централно-левичарската опозициска партија Пасок гласаше против него, а левичарската Сириза се воздржа.
Во текот на овој месец, синдикатите организираа два генерални штрајкови барајќи повлекување на законот, како резултат по што јавниот превоз и државните услуги не работеа.
Ники Керамеус, министер за труд, рече дека овие реформи ги усогласуваат грчките закони со реалноста на современиот пазар на трудот. Тој ги обвини опозициските лидери дека ја заведуваат јавноста.
Според новиот закон, вработените ќе можат да работат прекувремено за 40 проценти повисока плата.
Работниците нема да смеат да бидат казнети за одбивање да работат прекувремено, тоа е исто така предвидено.
Ова е во согласност со правилата за работно време во Европската Унија, кои ја ограничуваат просечната работна недела на 48 часа, но кои исто така дозволуваат прераспределба на работното време во текот на една година.
Законот им овозможува на вработените да работат подолго за еден работодавач, наместо да работат со скратено работно време за повеќе работодавачи, изјавија официјални лица.
Сепак, опозициските партии ја обвинуваат владата за укинување на работничките права и „туркање на земјата кон средновековна“ работна средина.
Грчките работници веќе работат подолго и заработуваат помалку од повеќето други Европејци и се борат да „врзат крај со крај“, велат тие.
Синдикатот на вработени во јавната служба АДЕДИ изјави дека флексибилното работно време во пракса значи „укинување на осумчасовното работно време, уништување на семејниот и општествениот живот и легализација на прекумерната експлоатација“, објави агенцијата АФП.
Во 2024 година, Грција воведе шестдневна работна недела за некои индустрии во обид да го поттикне економскиот раст.
Новиот закон, кој ќе стапи на сила на почетокот на јули 2025 година, им овозможува на работниците да работат до 48 часа неделно, наместо сегашните 40. Најдолги работни часови во Европската Унија се забележани во Грција (39,8 часа), Бугарија (39), Полска (38,9) и Романија (38,8).
Пратениците на владејачката централно-десничарска партија Нова демократија гласаа за новиот закон, додека централно-левичарската опозициска партија Пасок гласаше против него, а левичарската Сириза се воздржа.
Холанѓаните имаат најкратка работна недела (32,1), според податоците на Евростат.
Минималната плата во Грција е 968 евра од јануари 2025 година, што е најниската сума меѓу земјите од ЕУ.
Невработеноста, која беше највисока за време на финансиската криза (28 проценти), беше осум проценти во август, што е повисоко од просекот на ЕУ од 5,9 проценти, според податоците на Евростат.
Грција сè уште се опоравува од должничката криза, која заврши во 2028 година, но платите и животниот стандард се меѓу најниските во ЕУ.
