Немаше тв пренос ниту црвен тепих.Глобуси доби Спилберг како и неговата австралиска колешка Џејн Кемпион а за најдобра серија е прогласена „Наследници“
Најдобрите филмови и телевизиски серии за изминатата година беа наградени со Златен глобус во неделата, 9 јануари по американско време, но поради полемиката што ја придружуваше изборот за овие награди – без ТВ пренос и црвениот тепих, на затворен настан.
За најдобар мјузикл или комедија е прогласен римејкот на филмот „Приказната од западната страна на режисерот Стивен Спилберг. Римејкот на тој мјузикл од 1961 година е врзан за младешка љубов меѓу припаднизи на завојувани улични банди. Ссвоевремено во оригиналот блсна Натали Вуд.
Златниот глобус за најдобра режија и припадна на Џејн Кемпион за „Моќта на кучето“, додека јапонскиот „Drive my car“ е прогласен за најдобар филм на неанглиски јазик.
Златниот глобус за најдобар актер во драма му припадна на Вил Смит за неговата улога во „Кралот Ричард“, додека за најдобар актер во мјузикл или комедија му припадна на Ендрју Гарфилд за неговата улога во „Тик, Так… бум“.
Ѕвездата на „Приказни од западната страна“ Рејчел Зеглер беше наградена за најдобра филмска актерка во мјузикл или комедија, додека Никол Кидман го освои Златниот глобус за најдобра актерка во драмата „Being the Ricardos“.
Холивудската асоцијација на странски новинари (HFPA), која ги организира Златните глобуси, ја прогласи „Моќта на кучето“ за најдобра драма.
Автобиографскиот филм на Сер Кенет Брана „Белфаст“ и „Моќта на кучето“, вестерн со Бенедикт Камбербач во главната улога, имаа најмногу номинации за Златен глобус. Два филма се натпреваруваа за награди во седум категории, вклучително и за најдобар филм.
„Наследниците“ е прогласен за најдобра драмска серија, а Џереми Стронг е прогласен за најдобар актер во истата категорија. Таа серија ја доби и третата награда – Златен глобус за најдобра споредна женска улога и беше доделен на Сара Снук.
Златниот глобус е, заедно со Оскарите, традиционално најгламурозната награда, но оваа не се емитуваше на телевизија.
Актерите, режисерите и филмските студија во голема мера ги игнорираа наградите „Златен глобус“ оваа година, по критиките во 2021 година дека нејзините организатори на HFPA работеле со сомнителни етички политики и без црни уметници во организацијата.
Ен-би-си, кој долги години го емитуваше настанот, одлучи да не ги емитува овогодинешните награди.
HFPA, која го прошири и диверзифицира своето членство и ја ревидира својата практика, ги објави своите избори на церемонија зад затворени врати во Беверли Хилс. Добитниците беа објавени на јавноста преку социјалните мрежи и на веб-страницата на Златните глобуси.
