Иако е со грчко потекло и добро го знаел еленскиот јазик, принцот Филип, нејзиниот сопруг, никогаш не сакал да гхо види родниот крај – во него останал гневот заради ликвидација на дедо му и принудниот егзил на татко му
За време на нејзиното долго владеење, кое по должината го нема ниту еден друг британски монарх во историјата, кралицата Елизабета посети неверојатни 120 земји – но никогаш Грција, родното место на нејзиниот сопруг принцот Филип, војводата од Единбург. Оваа година, кралицата Елизабета слави седумдесет години откако таа стапи на тронот, факт што никогаш не допатувала во официјална посета на Грција е окарактеризиран дури и надвор од Грција како „еклатантен пропуст“.
За време на долгите години на тронот, таа оствари официјални посети на повеќето земји во светот со исклучок на Грција. Тоа е пропуст што беше предмет на разговор, бидејќи принцот Филип ја посети земјата неколку пати, иако неофицијално. Нејзиниот син, Чарлс, принцот од Велс, оствари официјална посета на Грција, сепак, е и познат хеленофил, кој зборува грчки течно при неговите посети.
„ФИЛ ГРКОТ“ Принцот Филип, кој почина во април 2021 година на 99-годишна возраст, го доби прекарот „Фил Гркот“ од неговите британски поданици.
Сепак, принцот Филип не се грижел за прекарот, иако тој навистина бил роден во Грција. Всушност, тој никогаш не го посетил родното место откако неговиот татко бил протеран, а тој самиот, како бебе, бил изнесен од земјата во портокалова гајба од страв дека ќе биде киднапиран или ќе го снајде нешто уште полошо.
Кралицата Елизабета очигледно го делеше неговото чувство и никогаш не ја посети Грција како кралица, иако двојката ја посети земјата за погребот на еден од роднините на Филип, пред таа да го преземе тронот.
Според британските историчари, Филип никогаш не покажал никаква емотивна приврзаност кон земјата во која некогаш бил принц.
„Секако, никогаш не сум почувствувал носталгија за Грција“, рече тој. „Дедо убиен и татко осуден на смрт не ме прави милостив кон сторителите“.
ПРИКАЗНАТА ЗА ТАТКОТО НА ФИЛКИП Таткото на Филип, принцот Андреј (Ендрју) од Грција, бил четвртиот син на кралот Џорџ I од Хелените, поранешен принц Вилхелм од Данска. Принцот Ендру дипломирал на военото училиште Евелпидон и продолжил со офицерска кариера во грчката армија.
Постариот брат на Андреј, кралот Константин I, беше соборен од воената хунта по тешкиот пораз на Грците од Турците во војната во Мала Азија во 1922 година.
По грчкиот пораз во малоазиската кампања во 1922 година и последователната револуција на 11 септември 1922 година, Андреј беше обвинет за предавство, затворен и осуден на смрт пред да побегне со своето семејство. По интервенцијата на британската влада, тој не беше погубен со образложение дека бил „неискусен“; наместо тоа, тој едноставно беше протеран доживотно од Грција.
Пловејќи од Фалиро кај Пиреја, неговиот брод застанал на Крф за да го одведе семејството од палатата „Мон Репос“. Легендата вели дека осумнаесетмесечниот принц Филип бил ставен во дрвена кутија со портокали при неговото бегство од палатата. со цел да го осуети секој што можеби би му нанел зло.
Семејството во егзил беше принудено да живее во многу тешки околности во Париз. Во март 1947 година, Филип ги напуштил грчките и данските кралски титули и го усвоил презимето Маунтбатен заедно со британската националност кога се свршил со кралската принцеза. Подоцна истата година, во ноември, тој се оженил со принцезата Елизабета во Вестминстерската опатија. Ден пред свадбата, кралот Џорџ Шести му ја доделил титулата војвода од Единбург.
Кралскиот историчар Хуго Викерс верува дека сето тоа е поврзано со „напорната историја“ на грчката монархија, која влијаела на потесното семејство на војводата од Единбург.
„Принцот Филип не ја сака Грција, затоа што го изведоа на суд неговиот татко , принцот Ендрју и можеби ќе беше и самиот погубен“, изјави Викерс за Би-Би-Си.
Искуството на Филип влијаело на кралицата Елизабета. На прашањата што новинарите одвреме навреме му ги поставуваа на принцот Филип во врска со неговото чувство за идентитет, тој изјави дека се смета себеси за Данец. Во едно интервју, тој го избра загадочниот одговор „Јас сум Грк, но…“, без да ги разјасни своите чувства за земјата на неговото раѓање.
Несреќните искуства на Филип очигледно влијаеле на кралицата Елизабета, а монархот избегнал официјална посета на Грција до тогаш. На 95-годишна возраст, кралицата донесе одлука повеќе да не патува во странство.
Филип и Елизабета навистина ја посетија Грција во 1950 година на покана на кралот Павле и Фредерика од Хановер, кралицата на Грција, но тоа беше за приватна посета пред таа да стане кралица.
