Таравари заминува со Алијансата за Албанците од владината коалиција и смета дека треба да биде во опозицијата, за партијата таму ќе биде подобро
„Лидерот на Алијансата за Албанците Арбен Таравари вечерва на отворањето на новиот штаб во Скопје нагласи дека за Алијансата за Албанците би било подобро во опозиција, со оглед на ситуацијата во која се наоѓаат.“ – објави ТВ 21. Тојј исто така рече – „не, немаме дефинитивна одлука. Но, како што гледам, довербата меѓу нас во владината коалиција е во мизерна состојба. Верувам дека овие денови ние, Алијансата за Албанците, треба да се сретнеме со премиерот, бидејќи е коректно да се сретнеме и да разговараме уште еднаш. Верувам дека АА треба да биде во опозиција и да се обиде да ја направи трката колку што е можно подобра, да се организира преку штабови и ограноци и да се обиде да освои колку е можно повеќе. Но, конечната одлука ќе ја донесе раководството на партијата.“ – рече Арбен Таравари.
Во втората вест со наслов „За Таравари ДУИ е веќе реформирана!“
Алфакс објави: „Алијансата за Албанците е повеќе од Вреди комплетна, заедно.“ – нагласи Арбен Таравари, неодамна на отворањето на нејзиното седиште во Скопје, каде што зборуваше и за политичките актуелности.
Потоа порталот ја цитира изјавата, која ја даде Таравари во овој контекст: „Алијансата за Албанците е повеќе од целата Вреди комплет, заедно. Овој факт тие никогаш нема да го прифатат. Кога решивме да одиме со Вреди, за да донесеме промени, ние ја завршивме најдобрата можна работа и секој од вас треба да биде горд што ДУИ отиде во опозиција. ДУИ мораше да оди во опозиција и добро се снајде. Ѝ дадовме можност полека да се реформира. Малку и самите се реформираа, малку и други различни чинители повлијаеа да се реформира, а и ние го дадовме својот удел во тоа.“
Арбен Таравари нема да биде дел од Владата, но во извршната власт ќе може да останат членовите на Алијанса за Албанците кои не се согласуваат со него, изјави денеска во Тетово Биљал Касами на новинарско прашање што се договориле како коалиција Вреди со премиерот Христијан Мицкоски.
Според Касами, за да се направат промени во Владата ќе треба повеќе време, иако вчера рече дека следните денови ќе има и конкретни чекори во тој правец.
– Ние одлучивме дека во следниот период ќе работиме заедно во правец на тоа да Арбен Таравари како главен носител на идејата за соработка со ДУИ да не биде дел од Владата. Договор има дека кој било што соработува со Али Ахмети, во ваква ситуација не може да може да биде дел од Владата. За динамиката и модалитетите како тоа ќе се спроведе од моментот кога ќе имаме конкретно решение, сигурно дека ќе се запознаеме јавноста, затоа што тоа не е едноставна работа. Ако се договориме дека ќе има реформирање на владата, ќе треба да видиме кои ќе треба да излезе и кој ќе треба да влезе, затоа што гледаме дека и во ваква ситуација има некои чинители во Владата кои се дел од партијата на Арбен Таравари кои не се согласуваат со него – рече Касами.
Градоначланикот на Тетово и еден од лидерите на Вреди, смета дека треба да се прави јасна разлика меѓу Арбен Таравари, кој е носител на комуникацијата со Али Ахмети и Алијанса на Албанците. Тој потсетува на коалицискиот став дека Алијансата на Албанците е важен фактор на коалицијата Вреди и нивната желба и понатаму е да биде дел од коалицијата.
– Секој кој е дел од Алијанса на Албанците и кој сака да продолжи да бидат дел од Владата, ние сме отворени да продолжиме да соработуваме со нив. Значи, во моментот ние цениме дека главен проблем е директната соработка на Арбен Таравари со Али Ахмети. Таа одлука е веќе донесена, дека во случајот, Арбен Таравари не може да биде дел од Владата. Секој друг член на Алијанса на Албанците кој не се согласува со оваа соработка на Арбен Таравари со Али Ахмети е добредојден да продолжи да биде дел од Владата. Затоа треба да се се расчистат овие ситуации, кој е за и кој е против соработката со ДУИ – истакна Касами.
Според него, кога ќе се расчистат дилемите со АА ќе има и промени во нивните досегашните функционерски позиции во Владата и другите тела на извршната власт.
