Озлогласената терористичка организација ИСИЛ се огласи дека стои зад бомбашките напади во Шри Ланка за Велигден, а во кои загинаа повеќе од 300 лица
Министерот за одбрана на Шри Ланка, изјави дека нападите на црквите се иницирани од минатомесечниот напад на две џамии во Нов Зеланд
Озлогласената терористичка организација ИСИЛ се огласи дека стои зад бомбашките напади во Шри Ланка за Велигден, а во кои загинаа повеќе од 300 лица.
Министерот за одбрана на Шри Ланка, изјави дека нападите на црквите се иницирани од минатомесечниот напад на две џамии во Нов Зеланд. Сепак, тој не изнел докази како првичната истрага дошла до таков заклучок.
До сега 40 лица се приведени под сомнение за вмешаност во бомбашките напади. Властите во Шри Ланка истражуваат за евентуална вмешаност на странски организации.
Нападите биле извршени од седуммина бомбаши-самоубијци, за кои се вели дека се дел од мала националистичка организација Џамаат.
Премиерот на Шри Ланка изјави дека имало претходно сознанија за можноста за напади и рече дека ќе се спроведе истрага за да се утврди „зошто не биле преземени соодветни мерки на претпазливост“
Министерот за здравство, Раџита Сенаратне, изјави дека националната организација „Џамаат“ е одговорна за самоубиствените бомбашки напади, додавајќи дека „имаше меѓународна мрежа без која овие напади не можеа да успеат“. Тој посочи дека нападите на шест локации – три цркви и три хотели – биле извршени од седум бомбаши-самоубијци, сите жители на Шри Ланка.
По тие напади едно комбе експлодира и во близина на една од црквите што веќе беше бомбардирана. Полицијата интервенираше, но за среќа нема повреди.
Се очекува претседателот на Шри Ланка, Маитрипала Сирисена, да го реши проблемот со терористите со прогласувањето на вонредна состојба на национално ниво. Канцеларијата за медиуми на претседателот изјави дека итните мерки ќе бидат ограничени на справување со тероризмот и нема да ја попречуваат слободата на изразување.
Премиерот на Шри Ланка, Ранил Викремесинге, во неделата изјави дека имало претходно сознанија за можноста за напади. „Имаше информации“, изјави тој за новинарите и рече дека ќе се спроведе истрага за да се утврди „зошто не биле преземени соодветни мерки на претпазливост“. Како шо се дознава алармите дошле од известувачките служби на Индија.
Претседателот Маитрипала Сирисена планира да го отпушти секретарот за одбрана и генералниот полициски инспектор, јави Би-Би-Си.
Вкупно осум од девет напаѓачи се идентификувани како државјани на Шри Ланка.
Министерот за одбрана на Шри Ланка Руан Виџевардене вчера потврди дека меѓу деветмината бомбаши самоубијци, имало и една жена, додавајќи дека повеќето напаѓачи биле образовани и финансиски стабилни, а за еден се верува дека студирал во Велика Британија и дипломирал во Австралија.
– Повеќето од нив се добро образовани и потекнуваат можеби од средна или висока средна класа. Значи, тие се финансиски прилично независни и нивните семејства се прилично стабилни финансиски. Веруваме дека еден од бомбашите самоубијци студирал во Велика Британија, а можеби подоцна и дипломирал во Австралија, пред да се врати во Шри Ланка, информира Виџевардене.
Поранешен командант во армијата на Шри Ланка рече дека нападот сигурно бил планиран најмалку седум или осум години.
