Во наредните недели ќе биде објавено кои ќе бидат четворицата кои ќе бидат изолирани во „Куќата на Марс“ 365 дена. Според НАСА, тие мора да ги исполнуваат сите стандардни барања за астронаутите.
КЛАУДИЈА САРЕ
Човекот стигна до Марс: Црвената планета е 160 квадратни метри и се наоѓа во Хјустон, Тексас. Преку симулација која ќе трае една година, НАСА сака да подготви вистинска мисија на Марс – во не така далечна иднина.
Подот покриен со црвен песок, четири спални соби, дневна соба, неколку работни простори, мала теретана, вертикална стаклена градина за зеленчук и медицински сектор. Вака изгледа симулаторот на живот на Марс, во кој четворица волонтери ќе живеат како на Црвената планета во рок од една година.
На овој начин НАСА сака да проучува како луѓето се однесуваат ако се во целосна изолација далеку од Земјата, објаснила менаџерката на проектот Грејс Даглас за агенцијата Ројтерс.
Истражувачкиот проект наречен „Crew Health and Performance Analog“ би требало да симулира едногодишен престој на Марс. „Сакаме да разбереме како ограничувањата ќе влијаат на нивното здравје и нивните способности“, објаснува Даглас за ARD.
МАЕС НА 160 КЦАДРАТНИ МЕТРИ 160-те квадратни метри се
изградена со помош на 3Д печатач во хангар во Хјустон, Тексас. Експериментот е подготовка за идната мисија на Марс, вели експертот на НАСА Сузан Бел. „Покрај изолацијата и ограничениот простор, ќе набљудуваме и како четворицата се согласуваат едни со други.
Четворицата платени волонтери ќе мора да живеат во реални услови како на Марс, објаснува АРД. Ова значи дека нема да имаат многу вода и чист воздух, многу малку багаж и речиси никаков контакт со своите пријатели и семејството – исто како што би живееле на Марс во далечната иднина.
ПРОШЕТКА НА МАРС СО ВИРТУЕЛНА РЕАЛНОСТ Единственото нешто што не може доволно ефективно да се симулира на станицата „Mars Dune Alpha“ се гравитационите услови на Марс, објасни Даглас за американскиот канал Fox 13 News.
За оваа цел е одвоена посебна област, објаснува инженерот на НАСА, Алекс Бауман. „Создадовме простор во кој учесниците ќе можат да „шетаат“ на Марс, благодарение на виртуелната реалност. Тие, исто така, ќе можат да спроведат симулации на експерименти што би ги направиле на Црвената планета – на пример, земајќи геолошки примероци, чистење прашина од нивните вселенски одела и соларни панели или правење поправки во нивниот дом.
БАРАЊАТА СЕ КАКО ЗА АСТРОНАУТИТЕ Во наредните недели ќе биде објавено кои ќе бидат четворицата кои ќе бидат изолирани во „Куќата на Марс“ 365 дена. Според НАСА, тие мора да ги исполнуваат сите стандардни барања за астронаутите.
Во случај на проблем на станицата или ако некој од волонтерите се откаже во одреден момент, ќе бидат обезбедени двајца резервни астронаути. Симулацијата треба да започне во јуни, а се очекува да следат уште два други експерименти. Од 2040 година работите веќе ќе станат сериозни – ова е рокот што го постави шефот на НАСА, Бил Нелсон, да испрати мисија со екипаж на самиот Марс.
