Најтежок удар му зададе Кралското друштво од Велика Британија – најстарата и најпочитуваната научна академија – која буквално го понижи, повикувајќи го да си
Илон Маск некогаш беше прогласен за визионер, човекот кој ја туркаше иднината напред преку електричните возила и вселенските истражувања. Но, во последните години, неговата репутација драматично се урна. По масовните кратења на буџетот за наука како шеф на Одделот за Ефикасност во Владата, научната заедница во целиот свет ја почувствува најсериозната криза. Меѓутоа, најтежок удар му зададе Кралското друштво од Велика Британија – најстарата и најпочитуваната научна академија – која буквално го понижи, повикувајќи го да си даде оставка.
Под водство на Маск и со поддршка од претседателот Доналд Трамп – познат негирач на климатските промени – научните буџети беа драстично намалени. Иако Маск некогаш се бореше за екологијата, неговата блискост со Трамп направи штета која научниците никогаш нема да ја заборават. Односите меѓу двајцата се распаднаа хаотично, но веќе беше предоцна – штетата била направена.
Во 2018 година, Маск беше избран за член на Кралското друштво за негови придонеси во електричните возила и во вселенските технологии. Но, по седум години, неговата репутација е сериозно нарушена. Кралското друштво го повика Маск да си даде оставка, поради неговите изјави и постапки што фаворизираат екстремни десничарски идеологии, што ги иритираше и научниците и инвеститорите. Новинарите открија дека претседателот на Друштвото, Сер Пол Нерс, го предупредил Маск за уништувачкото влијание врз науката и побарал да ја исправи ситуацијата – но Маск не реагирал.
Маск најпрво молчи, а потоа одговара само кога е известен дека писмата ќе бидат објавени. И покрај острите разлики, Маск и натаму останува член на Кралското друштво. Но, меѓутоа, огромна е штетата: политиките на неговиот оддел и администрацијата на Трамп ги предизвикаа научниците да размислуваат за напуштање на САД. Намалувањето на буџетите, ширењето на антинаучни теории и игнорирањето на климатските промени создадоа атмосфера на несигурност и разочарување за секој кој сака да работи во науката.
Кога некогашниот симбол за напредок и иднина е изолиран од колегите научници, тоа испраќа јасна порака. Маск од визионер кој ја отвори вратата на иднината, стана човекот кој ја затвора самата врата за науката. Примерот со Кралското друштво е предупредување: вербата во науката и разумот никогаш не смее да се става во раце на луѓе кои се водат од его и политика.
