Генералниот директор Тедрос Гебрејесус, вели дека е клучно пронаоѓањето на вакцина, која мора да биде достапна за сите, а не само за оние што ќе можат да платат за неа
Светската здравствена организација (СЗО) покренува независна истрага за глобалното справување со панедмијата, откако некои држави се покажаа дека подобро се справиле со вирусот за разлика од други.
„Ова е време за преиспитување, да го погледнеме светот во кој живееме и да најдеме начини да ја зацврстиме нашата соработка, и да ја ставиме пандемијата под контрола“, рече генералниот директор на СЗО Тедрос Гебрејесус, додавајќи дека пандемијата, која го погоди речиси секој во светот, заслужува опсежна евалуација.
Според него, глобалниот одговор е клучен во справување со пандемијата, вклучувајќи ја и работата на пронаоѓање вакцина, која мора да биде достапна за сите, а не само за оние што ќе можат да платат.
СЗО, исто така, официјално кажа дека вирусот би можел да се пренесе преку воздушен пат, особено во специфични затворени простории.
Гебрејесус се согласува со некои научници, кои велат дека дури и луѓето без симптоми, можат да го пренесат вирусот по воздушен пат.
Многу држави во светот го враќаат карантинот, како и другите рестриктивни мерки, како што бројот на заразени на глобално ниво достигна над 12 милиони, и 553.000 смртни случаи, заклучно со вчера.
Привремената претседателка на Боливија Жанин Ањес, изјави дека е позитивна на КОВИД-19.
„Се чувствувам добро. Ќе продолжам да работам од изолација“, напиша таа на Твитер.
И бразилскиот претседател Жаир Болсонаро, кој долго време велеше дека луѓето не треба да се грижат за вирусот, е тестиран како позитивен на КОВИД-19. Градоначалникот на Рио де Женеиро, пак, рече дека градските плажи, едни од најпознатите во светот, официјално нема да бидат отворени додека не се најде вакцина.
Во мигот во Бразил умреле повеќе од 70 илјади заразени од ковид-19 . Во САД починале на 9 јули е забележан рекорден број на заразени во еден ден – 58 илјади. Вкупниот број зарзени е 3,3 милиони лица.Австралиската држава Викторија, вторта по големина
Хрватска, која прогласи победа над вирусот, сега бележи по 50-60 случаи на новоаразенио на дневна основа.
