Шефот на кинеската држава кажа дека е алергичен кон „феминизираните“ мажи на телевизијата. Децата ќе имаат големи ограничувања кај видео игрите
Претседателот Ши Џинпинг повика на „национално освежување“ со засилена контрола од Комунистичката партија на стопанството, образованието, културата и религијата. Компаниите и јавноста се под засилен притисок да застанат зад визијата за помоќна Кина и поздраво општество.
Владата веќе им го ограничи времето за онлајн игри на малолетниците и се обидува да го намали, според неа, нездравото внимание кое им се посветува на славни личности.
Телевизиите мора „решително да им стават крај на феминизираните мажи и другата абнормална естетика“, соопшти ТВ регулаторот, користејќи притоа навредлив жаргон за феминизираните мажи „niang pao“ или во буквален превод „женствени пиштоли“.
Тоа е одраз на официјалниот страв дека кинеските поп-ѕвезди, под влијание на елегантниот, женствен изглед на пејачи и актери од Јужна Кореја и Јапонија, не ги охрабруваат кинеските мажи да биде доволно мажествени.
Телевизиите треба да избегнуваат промоција на „вулгарни интернет ѕвезди“ и восхит за богатство и слава, соопшти регулаторот. Наместо тоа, програмата треба „енергично да ја промовира одличната кинеска традиционална култура, револуционерната култура и напредната социјалистичка култура“.
Комунистичката партија ја засилува контролата и на славните личности. Телевизиите треба да избегнуваат настапи кои „го нарушуваат јавниот ред“ или „го загубиле моралот“. Програми за деца на славните личности, исто така се забранети.
Порталите и социјалните платформи веќе започнаа со имплементација на одлуките. Платформата Веибо суспендираше илјадници групи на обожаватели и вести за забава. Популарната актерка Жао Веи исчезна од сите стриминг сервиси без објаснување. Нејзиното име е повлечено и од потписите на филмовите и ТВ програмите.
Друга актерка, Женг Шуанг, минатата недела беше казнета со 46 милиони долари поради избегнување данок, како пример за другите славни личности да бидат позитивни модели.
Порталите и социјалните платформи веќе започнаа со имплементација на одлуките. Платформата Веибо суспендираше илјадници групи на обожаватели и вести за забава. Популарната актерка Жао Веи исчезна од сите стриминг сервиси без објаснување. Нејзиното име е повлечено и од потписите на филмовите и ТВ програмите.
Друга актерка, Женг Шуанг, минатата недела беше казнета со 46 милиони долари поради избегнување данок, како пример за другите славни личности да бидат позитивни модели.
Малолетниците во Кина смеат да играат онлајн-игри само меѓу 8 и 9 часот навечер во петоци, викенди и државни празници почнувајќи од денеска 1 септември, се наведува во одлука на Националната администрација за печат и публикации. Со тоа, играњето се ограничување на три часа неделно во повеќето седмици во годината- дополнително намалување од правилото од 2019 година со кое малолетниците смееја да играат онлајн-игри 1,5 час дневно и три часа за време на државни празници.
Новата регулатива ќе им нанесе удар на најголемите технолошки компании во Кина, како Тенсент и НетИз. Пазарната капитализација на Тенсент веќе падна за над 300 милијарди долари од февруари наваму кога достигна 573 милијарди долари- пад кој е еднаков на севкупната вредност на гиганти како Најки или Фајзер.
Ограничувањето на игрите е дел од кампањата против технолошките компании кои имаат огромно влијание врз општеството.
На почетокот на август, Тенсент соопшти дека планира ограничување на игрите за малолетници, како и забрана за деца под 12 години да плаќаат во рамките на игрите. Тоа се случи само неколку часа откако државен весник ја критикуваше индустријата на игри и ги нарече игрите „духовен опиум“.
(користени се информации објавени на Ал Џазира)
