Луксембург е најмоторизирана земја во Европската Унија, со 681 автомобил на 1.000 жители. Од друга страна, Луксембург е и првата земја во светот која го направи јавниот превоз бесплатен за сите, вклучувајќи ги и посетителите
Луксембург е една од најмалите земји во Европа, но не дозволувајте да ве залаже првиот впечаток за неа. На малата површина се кријат многу интересни работи и атракции
Оваа земја е уникатна на многу начини. За почеток, официјалното име на Луксембург е Големо Војводство Луксембург, што значи дека Луксембург има голем војвода. Оваа функција моментално ја извршува Анри, кој седнал на престолот по абдикацијата на неговиот татко во 2000 година.
Официјалниот мото на земјата е „Мir wëlle bleiwe wat mir sinn“, што значи „Сакаме да останеме она што сме“. Оваа реченица многу зборува за самата земја и нејзината бурна историја, која била обележана од различни големи европски сили. Преку историјата, Луксембург преминувал од рацете на Французите до рацете на Шпанците, потоа на Австријците и повторно назад кај Французите.
Независноста на Луксембург не била почитувана од страна на Германците ниту во Првата ниту во Втората светска војна.
Сепак, територијата на Луксембург со текот на годините се намалувала – од некогашните 10.700 квадратни километри на денешни 2.586 квадратни километри. Но, и покрај малата површина, Луксембург не е најмала земја. Постојат земји помали од неа како Ватикан, Монако, Сан Марино, Лихтенштајн, Малта и Андора.
Луксембург е познат по својата безбедност. Во 2019 година ја доби титулата на најбезбедна земја на светот, а во целата земја има само 2.800 полицајци и 3 затвори. Покрај тоа, Луксембург е една од најбогатите земји во светот и според податоците од 2023 година, има највисок минимален приход на светот, кој изнесува 2.571 евро месечно.
Главниот град на Луксембург, наречен Луксембург, бил основан во 963 година, со изградба на луксембуршкиот замок. Се претпоставува дека во римскиот период на истото место постоела тврдина. Но, она што е специјално за градот е неговиот разграничен систем на одбранбени тунели и казамати, кои се заштитени како светско наследство од УНЕСКО. Поради непроодниот одбранбен систем, градот понекогаш бил нарекуван и „Гибралтар на северот“.
По губењето на својата одбранбена функција, казаматите служеле и како место за одгледување габи, концертна сала, засолниште и слично. Денес, тие се едни од главните атракции на градот. Сепак, замокот од кој произлегол градот не е ни приближно единствен во земјата. Луксембург има најмалку 70 дворци. Исто така, оваа земја има три службени јазици: луксембуршки, француски и германски. Законите, на пример, се напишани на француски, парламентот расправа на луксембуршки, на претшколска возраст се учи луксембуршки, додека другите два јазици се учат во основното образование.
Луксембург е најмоторизирана земја во Европската Унија, со 681 автомобил на 1.000 жители. Од друга страна, Луксембург е и првата земја во светот која го направи јавниот превоз бесплатен за сите, вклучувајќи ги и посетителите.
(fakulteti.mk)
