Доктор Јадранка Видак e Македонка која во Англија ја прими вакцината против Ковид-19 на „Фајзер“. Своето искуство го раскажа во емисијата Студио 10. Ги пофали Македонците во однос на носење на маска на јавни места во однос на оние од Гордиот Албион
Работела веќе 18 години и е цитопатологија и работи во болницата Imperial Coolege Healthcare NHS Trust во Лондон, државна установа која има пет болници низ главниот град.По поткело е од Виница а средно образование завршила во Скопје. Потоа продолжила да се школува во Загреб, но поради состојбата во тој период во ексјугословенските состојби (1989) на 21 г. заминала за Англија. Таму завршила мдицински факултет и магистрирала.
– Вакцината Фајзер ја примив пред една недела. Јас како и многу други кога почнаа да не вакцинираат на работа не бев сигурна дали да ја примам вакцината. Се шегував со колегите дека ќе видам како кај нив ќе реагира, па потоа ја ќе се вакцинирам. Но во Англија ситуацијата со вирусот е застрашувачка. Голем број од моите колеги се во излолација поради вирусот. Тоа ме поттикна да се вакцинирам поскоро. Откако ја примив немав никакви симптоми освен мала болка во рамото, не беше потребно никакви лекрстава да земам наредните денови, вели Видак и надополни дека досега никој немал несакани ракции и дека примањето на вакцината не е ништо поразлично од останатите вакцини.
– Вакцината не е задолжителна во Англија, таа е доброволен избор. Кога видов како е да си на кислородна поддршка и како луѓето се борат со вирусот, решив дека вакцината треба да ја примам, но се уште не е јасно колку време ќе имаме од неа имунитет. Во ниту еден момент не се посомневав дека има нешто сомнително или дека ќе бидам чипирана од вакцината вели докторката.
Таа истакна дека во Англија е мал бројот на лица кои јавно носат маска. Веројатно тоа влијае на зачестеност на заболувањето – пред болниците сега е поголем редот на оние кои се носат со возила на брата помош отколку лани во април и мај. Инаку таа била во земјава во декември и вели дека тука има голема дисциплина на тој план – речиси нема да се види некој кој не носи маска.
