Трамп стана претседател по стотина обвиненија, делумно прифатени од судовите но европските ркитериуми во тој поглед се многу построги. Тоа ќе го почувствува кандидатката за следните франсуски претседателски избори
Главна вест викендов несомнено беше онаа дека францускиот суд ја прогласил Марин Ле Пен, лидерка на француската екстремна десница, за виновна за злоупотреба на фондови на Европската унија (ЕУ), во судски процес кој потенцијално би можел да ја спречи да учествува во претседателската трка во 2027 година, јави Ројтерс.
Пресудата за тоа каква казна ќе се соочи, се очекува подоцна во текот на денот.
Обвинителите побараа Ле Пен да се соочи со итна петгодишна забрана од јавна функција доколку биде прогласена за виновна, без оглед на евентуална жалбена постапка, користејќи таканаречена мерка „привремено извршување“.
Судиите во Франција можат да го усвојат, изменат или игнорираат барањето на обвинителите.
Ле Пен, лидерка на екстремно десничарскиот Национален собир (РН), е фаворит во анкетите пред гласањето на следните претседателски избори во Франција во 2027 година. Но, забраната за кандидирање за јавни функции би траела и по 2027 година.
Тука би можеле веднаш да додадеме дека – според зборовите на познатиот белградски адвокат Тома Фила – судот во Сараево со својата одлука против Додик практично ја елеминира навремено неговата кадидатура за следните избори во Република Српска. Па дури и да го осуди само на еден месец!
Да се вратиме пак ан судењето во Франција. Ле Пен, која не зборуваше со новинарите додека пристигна во судот, ги обвини обвинителите дека бараат нејзина „политичка смрт“. Таа е свесна за последиците на овој процес.
Инаку, судот ги прогласи за виновни Ле Пен, уште осум други луѓе кои тогаш беа пратеници на ЕУ и 12 парламентарни асистенти за проневера на фондови на ЕУ. Обвинетите не беа обвинети дека ги ставиле парите во џеб, туку дека користеле средства од ЕУ во корист на нивната партија.
Обвинетите рекоа дека парите биле искористени легитимно и дека наводите „претесно“ дефинираат што прави пратеничкиот асистент.
Француското обвинителство уште во ноември 2024 година побара Ле Пен да биде прогласена за виновна за проневера, осудена на затвор и забрана да се кандидира за јавна функција, вклучително и за претседател на Франција, во следните пет години.
Уставниот суд на Франција пресуди дека е уставно да се отстрани избран функционер од функцијата како казна за кривично дело по итна постапка, пред пред поединецот да ја исцрпи жалбената процедура.
Случајот се однесува на малку познат поранешен локален претставник од островот Мајот во Индиски Океан, но правни експерти навреме тврдеа дека одлуката може да влијае на исходот од судењето за проневера на лидерката на француската екстремната десница Марин Ле Пен.
Обвинителите во случајот на Ле Пен побараа од Советот од тројца судии да ѝ изречат забрана да се кандидира на функција во рок од пет години и да побараат итно извршување на тој дел од казната. Со тоа Ле Пен практично би била елиминирана од трката за претседател во 2027 година, на која има големи шанси за победа. Вообичаена практика во Франција е казната да не се спроведува веднаш и презумпцијата на невиност да важи сè додека не бидат исцрпени механизмите за обжалување. Процедурите може да се развлечат со години.
Марин Ле Пен, заедно со уште 24 обвинети лица и нејзината партија, Национално движење се обвинети за проневера на средства од Европскиот парламент. Ангажирале парламентарни советници да работат за партијата, а ги претставиле како парламентарни советници за европски работи. Сите тие ги отфрлија обвинувањата.
Случајот во Мајот за кој се произнесе Уставниот суд се однесуваше на Рашади Саинду, поранешен локален функционер, разрешен откако бил прогласен за виновен за проневера на јавни средства во 2024 година. Неговите адвокати тврдеа дека со итното отстранување на Саинду од функцијата, пред да може да вложи жалба, на гласачите им било нарушено уставно загарантираното право да избираат претставници.
Случајот на Ле Пен е малку поинаков, бидејќи таа може да биде спречена да се кандидира за функција, а не да биде разрешена откако веќе била избрана.
Сложениот француски систем им овозможува на избраните членови на законодавните тела да ги задржат функциите дури и ако бидат казнети од суд, но им се одзема правото да се кандидираат за реизбор. За локалното ниво на власта, од друга страна, казнетите функционери веднаш мора да ја напуштат функцијата.
Од судските толкувања ќе зависи и политичката судбина на Луј Алјо, градоначалникот на Перпињан, најголемата општина што е под контрола на Националното движење. Обвинителите бараат Алјо, обвинет заедно со Ле Пен, да биде прогласен за „неподобен“ и итно да биде отстранет од функцијата.
