Антикорупциска комисија ги објави имињата на вработените роднини на Стојчевска, Асани, Џафери, Мисовски….
Антикорупциска комисија ги објави имињата на 18 роднини на јавни функционери за кој се поведува постапка за тоа како се вработени, беше објавено на втората седница од вториот состав. пренесува Слободен Печат.
За пратеничката Мира Стојчевска се разгледуваат три случаи – за тоа како е унапреден сопругот Илјо Стојчевски во Шумската полиција во Делчево, за нејзиниот син Виктор Стојчевски кој беше вработен во државната ЕЛЕМ и за нејзиниот брат Цветан Велевски вработен во РЕК Битола.
Објавено е и имието на Бесија Џафери во ЕЛЕМ, ќерката на собранискиот спикер Талат Џафери. Објавен е и Кристијан Мисовски, син на пратеникот Горан Мисовски, а нововработен во Агенцијата за супервизија на осигурувањето. Ја има и Хидаете Алили, сестрата на министерот за култура Асаф Адеми која доби работно место во АД ЕЛЕМ.
Спомената е и Влора Бектеши, сестрата на министерот за економија Крешник Бектеши, примена на работа во МЕПСО. Ја има и Фанија Костадинова, мајката на пратеникот и портпарол на СДСМ, Костадин Костадинов, вработена во Централниот регистар. Марија Јосифовска, сестра на оратеникот и генерален секретар на СДСМ, Александар Кирацовски, е евидентирана како вработена во уметничкото друштво „Мирка Гинова“.
Стојне Ѓорѓиев се вработил во МВР како син на пратеничката Милева Ѓорѓиева, а таму свое место си нашла и Мерсиха Рамчиловиќ, сопругата на Зекир Рамчиловиќ, Кога станува збор за независната пратеничка група, тука е и Сара Александрова, ќерка на пратеничката Емилија Александрова, вработена во Фондот за иновации и технолошки развој.пратеникот од независната група на ВМРО-ДПМНЕ. Државната секретарка на МВР, Магдалена Несторовска, е сопруга на Љубислав Несторовски, кој добил место во АД ЕЛЕМ.
Ореостанати имиња на листата се Надица Делкова – сопруга на градоначалникот на Општина Неготино Тони Делков, вработена во ОУ „Гоце Делчев“ – Долно Дисан, Лила Пежевска – сопруга на градоначалникот на Општина Берово Звонко Пежевски, вработена во ООУ „Дедо Иљо Малешевски“ и Цвете Станојкоска – внука на градоначалникот на Општина Прилеп Илија Јовановски, вработена во Општина Прилеп.
