Aко се суди по она што го изјави на крајот на изборниот ден лидерот на Ветевендосје тешко дека ќе најде содружник за да владее како до сега!
На Косово и Метохија се одржаа парламентарни избори за Собранието во Приштина. Според првичните резултати, ниту една партија нема да може сама да формира влада. „Врз основа на преброените гласови во сите српски заедници на Косово и Метохија, Српската листа е апсолутен победник на овие избори“, изјави претседателот на листата Златан Елек.
Централната изборна комисија на Косово објави, по пребројани над 88 отсто од гласовите, дека владејачката партија Ветевендосје добила 41,29 отсто од гласовите, пренесува Косово онлајн.
На второ место е Демократската партија на Косово со 21,83 отсто, Демократскиот сојуз на Косово на трето место со 17,75, а Алијансата за иднината на Косово на четврто со 7,68 отсто од гласовите.
Коалицијата Листа за семејстото доби 2,31 отсто, додека Српската листа има 3,96 отсто од гласовите. Претседателот на Српската листа, Златан Елек, во неделата навечер изјави дека Српската листа е апсолутен победник на изборите за Собранието во Приштина и дека сите десет мандати наменети за Србите се во рацете на Српската листа и на српскиот народ.
Во неделата на Косово се одржаа редовни парламентарни избори, а бројните коментари на аналитичари се дека ниту една партија нема да може сама да формира влада.
Право на глас имаа вкупно 2.075.868 гласачи, од кои 1.970.944 се на Косово, а 104.924 во странство. За 120 пратенички места се натпреваруваа 1.280 кандидати, од 28 изборни листи.
Според прелиминарните резултати од коалицијата на невладините организации Демократија во акција (ДНВ), Движењето Ветевендосје освои 40,4 отсто од гласовите.
На второ место е Демократската партија на Косово (ДПК) со 21,7 отсто, додека Демократската лига на Косово (ЛДК) е трета со 17,5 отсто.
Алијансата за иднината на Косово на Рамуш Харадинај во коалиција со Иницијативата за Косово доби 7,2 отсто од гласовите, додека Коалицијата за семејството 2,4 отсто.
Претседателот на движењето Самоопределување и актуелен премиер Албин Курти во првата изјава по објавувањето на прелиминарните резултати рече дека првото место на изборите е потврда за добро владеење.
Тој најави и дека Самоопределување ќе формира нова влада.
„Ги видовте лагите што ги кажаа во нивните ветувања. Тие рекоа дека државниот буџет ќе биде поголем од бруто домашниот производ. Каков добиток! Ветуваа коефициент поголем од нивната програма. Какви животни! Но, времето за стоката заврши“.
Тој нагласи дека никогаш немало повеќе војни против ниту една влада отколку против неговата. Тој уште еднаш ја обвини опозицијата дека наводно се дружи со олигарси кои „даваат пари надвор од сметководството“, а конкретно ги нападна за нивните наводни „договори со ѓаволот“ за обезбедување на власта. Инаку, Курти во овие обвинувања постојано ги поврзува „олигарсите“ и „нивните медиуми“ со Србија, како еманација на злото.
„Никогаш немало повеќе војна отколку против оваа влада. Опозицијата која не го сака најдоброто ниту за државата, ниту за народот, иако повторно загуби, останува опозиција затоа што не ја сака благосостојбата на Косово“, заклучи Курти.
Актуелната математика сепакм укажува дека нему ќе му треба партнер за да состави влада а овој речник после изборите тешко дека ќе му го обезбеди.
(veme.com)
