Иселеникот од Дебар во САД, Илир Села, пред десет години ја регистрираше фирмата „Skice – Македонија“. Во Дебар се вработени околу 150 млади, а уште толку се има во кол центарот во Охрид. Тие нудат услуги за храна
КЕНАН МИМИДИНОВСКИ
Компанијата „Slice“ со седиште во Њујорк, на дебарскиот иселеник во САД, Илир Села, преку своите платформи за поддршка на бизнисот во САД, а во еден дел и од Дебар и Охрид врши услуги за над 12 илјади ресторани и пицерии во Америка. Пред десет години иселеникот Села ја регистрирал фирмата „Slice – Македонија“ во Дебар каде што се вработени околу 150 млади, а уште толку се вработени и во кол центарот во Охрид.
„Станува збор за платформа која нуди услуги на храна преку соодветна технологија. Во Дебар и Охрид се вработени над 300 млади“, истакнува главниот менаџер за Македонија, Бутринт Села.
Според него, покрај големиот број на вработени во Соединетите Американски Држави и во своите бизнис платформи го зголемува бројот на вработените во Македонија, односно центрите во Дебар и Охрид.
„Според динамиката моментално секој месец имаме нови вработувања, бидејќи на американскиот пазар компанијата е мошне успешна. Поволен е и фактот што во Дебар младите во добар дел добро го зборуваат англискиот јазик. Ние исто така често организираме курсеви за изучување на англискиот јазик, се со цел и оние млади кои не го познаваат јазикот, да им се даде можност да се вработат во нашата компанија“, додава менаџерот во Дебар, Бутринт Села.
Раководството на компанијата која делува во Македонија, информираше дека во текот на оваа година се планира да се вработат уште 100 млади во центрите во Дебар и Охрид. Притоа се прават напори да се обезбеди нов простор за проширување на активноста за што подршка добиваат и од локалните власти. Во бизнис платформите на „Слице“ околу 100 отсто младите вработени се со високо образование. Дебарскиот иселеник Илир Села чие семејство во САД емигрираше во седумдесетите години, најавува нови инвестиции во Дебар и смета дека покрај успехот во бизнисот дава голем прилог и во намалувањето на невработеноста во родниот крај.
Неодамна 35 социјално загрозени семејства од општина Охрид, добија хуманитарни пакети донирани од фирмата Slice која во Македонија функционира веќе осум години. Како што истакна сопственикот Бутринт Села, донацијата е по иницијатива на вработените, со цел да им се помогне на оние граѓани на кои помошта им е најпотребна.
– Освен што се добри работници, нашите вработени се и хумани луѓе. Ја покренавме акцијата, подоцна се вклучи и канцеларијата во Њујорк. Успехот на компаниите не се мери само преку деловните резултати, општествената одговорност на компаниите исто така е мерило за нивниот успех, изјави Села додавајќи дека фирмата ќе донира и во наредниот период.
Пакетите кои беа доделени во соработка со општинскиот Црвен крст, содржат прехранбени и производи за хигиена.
– Овде сме да покажеме уште еден позитивен пример во нашата секојдневна парктика дека заедничкото функционирање на Црвен крст и корпоративниот сектор е успешна приказна и воедно помош насочена кон ранливата категорија на население во нашата општина, рече Мимоза Ставрева од Црвен крст Охрид.
Ставрева упати апел и до сите останати фирми, зависно од можноста, да се вклучат во хуманитарните активности на Црвен крст со цел социјално загрозените семејства да добиваат ваков вид на помош почесто.
(VOAnews)
