На изборите за претседател на Француија излегле речиси за една третина повеќе бирачи од пред пет години. При тоа победникот изгубил 2 милиони гласачи од своето „конто“ а тие заминале кон противкандидатклата Ле Пен. Насловната на Шпигл излезе со едно големо „Ах“ – Европа воздивна
Победникот на француските претседателски избори Емануел Макрон им се обрати на своите поддржувачи, но и на светската јавност пред националниот споменик на Франција, Ајфеловата кула.
Макрон дојде на подиумот под Ајфеловата кула опкружен со сопругата и француските деца и со звуците на „Ода на радоста“ која е химна на Еу, веројатно сакаше да испрати порака и до француската јавност и до европската Унија.
Ова е втора и последна победа на Макрон на претседателските избори, а куриозитет е и тоа што Макрон ќе биде првиот и единствен претседател во историјата на Петтата република, кој освен што е претседател дополнително ќе има мнозинство во парламентот.
Макрон и неговите приврзаници за неколку недели ќе имаат уште една изборна кампања, која ќе одлучи кој ќе биде премиер и кој ќе го води парламентарното мнозинство.
„Овде во Париз вечерва и насекаде во Франција и во странство, сакам да ви се заблагодарам. По пет години среќна трансформација и бројни предизвици, гласачите повторно ми ја дадоа довербата да управувам со Републиката во следните пет години. Сакам да им се заблагодарам на сите активисти и на сите луѓе кои ме поддржаа и го овозможија овој избор. Знам дека вложивте многу од вашата енергија и труд во овој напор. Сакам да им се заблагодарам на сите Французи кои ме поддржаа во двете кола. Ние сакаме независна Франција и силна Европа, сакаме Франција да биде зелена земја. Знам дека многу луѓе гласаа за мене не од убедување, туку за блокирање на крајната десница и сакам да им се заблагодарам и да кажам дека ја разбирам тежината на таа одлука и довербата што ми ја дадоа“, рече Макрон.
Во победничкиот говор Макрон посебно им се обрати на оние кои не излегоа на гласање, а според податоците од Франција, имало 28,2% повеќе од пред пет години.
„Оние кои одбија да гласаат избраа молк и јас ги разбирам и мора да им дадеме објаснување. Ги разбирам тие што гласаа за Ле Пен, не се рекламирајте негативно, јас веќе не сум кандидат туку сечиј претседател. Знам дека многу наши граѓани кои гласаа за екстремната десница и за овој проект и мојата одговорност и оние околу мене ќе бидат да одговарам пред нив. Гласовите денес не обврзуваат да одговориме на гневот што им е изразен. Денес избравте хуманистички, европски, републикански, зелен проект и проект кој ќе ги ослободи сите делови од нашето општество и тоа ќе биде нешто што ќе го водиме во наредните години, и покрај поделбите и разликите што ги имаме“, рече Макрон.
Во говорот на Макрон недостигаше обраќање за надворешната политика што тој планира да ја води, но накратко ја спомена украинската војна во светло на случувањата и односите во Франција.
„Војната во Украина е порака која не потсетува дека поминуваме низ тешки времиња. Францускиот глас мора да се слушне и да испратиме јасна порака до каде сме. Мора да бидеме внимателни и да ги почитуваме поделбите и сомнежите што постојат кај нас и мора да се погрижиме никој да не биде изоставен. Заедно мораме да работиме за единство, што е единствениот начин да одговориме на предизвиците во Франција кои ќе бидат историски, и мора да ја пишуваме таа приказна за генерациите што доаѓаат“, рече Макрон.
Реизбраниот претседател своето обраќање го заврши со порака за тоа како ја гледа Франција и неговата работа во следните пет години.
„Следните пет години нема да бидат продолжение на она што го направивме во изминатите пет, туку ќе биде нов пат за сите нас, особено за младите. Секој од нас ќе мора да биде одговорен, посветен, затоа што секој од нас вреди кога не е поединец, тоа го има францускиот народ како сила што силно го сакам и почитувам и затоа ми е чест да служам еднаш повторно. Да живее Републиката! Да живее Франција“, заклучи реизбраниот претседател на Франција.
Во минутите по победата на Макрон од Европската унија, но и од Велика Британија, пристигнаа бројни пораки со честитки и олеснување за победата на кандидатот кој ќе може да му се спротивстави на рускиот претседател Путин, да го зачува единството на Европската унија и да ја зачува Франција во Унијата. Единството на НАТО како многу важен елемент во борбата против намерите на Путин во Европа.
Новиот француски претседател е Емануел Макрон на кој Французите денеска му доверија нов петгодишен мандат освојувајќи 58 отсто од гласовите, покажуваат излезните анкети. Сепак тој е далеку од 66,10 отсто освоени гласови во 2017 година. Марин Ле Пен освои 42 отсто од гласовите, јави дописникот на МИА.
Да се потсетиме дека како и во 2017 година, 48,7 милиони Французи избираа меѓу Емануел Макрон и Марин Ле Пен. Првиот беше фаворит. Но, никогаш екстремната десница не изгледаше толку блиску до портите на Елисејската палата. Резултатот од далеку ги надминува резултатите од пред пет години кога таа освои 33,90 отсто од гласовите. Таа во неделата освои 42 отсто од гласовите
Емануел Макрон им се обрати на своите приврзаници од пред Ајфеловата кула на Марсовите полињата. Симболично место со универзалноста на Ајфеловата кула како декорација за новоизбраниот претседател, место кое му беше одбиено во 2017 година. Тука, од околу 19 часот, започнаа да се собираат неговите симпатизери со многу француски и европски знамиња.
Во изборниот штаб на Марин Ле Пен – Павилјонот д’Арменoвил во 16-от париски арондисман, непосредно пред објавувањето на резултатите се појавија шишиња со Шампањ на кои пишуваше „Марин Претседател 2022“, забележа новинарот на Фигаро.
