Меѓувладината конференција без одложување, можност што ЕУ не смее да ја пропушти
Канал 5 деновиве објави на своите вести дека група бугарски интелектуалци готви петиција со која го осудува обидот на официјалната политика да ги натера Македонците да ја „препишат“ бугарската историја до 1944 година како своја! Професори, етнолози, историчари се лутат што Софија промовира потценувачки и провокативен однос кон соседите.кои се обвинуваат дека „крадат историја“ Тие алармираат дека во мигот Бугарија е осамена во своите ставови и нема поддршка од ниту една друга членка на Унијата. Ова го покажа и гостувањето на словенечкиот претседател Пахор на земјава.
Меѓувладината конференција да се одржи веднаш и без одлагање. Ова е приликата што ЕУ не смее да ја пропушти, е недвосмилената и директна порака што ја искажа во петокот словенечкиот претседател, Борут Пахор по средбата со неговиот домаќин, македонскиот претседател, Стево Пендаровски.
Пахор јасно кажа дека конференцијата не смее да се одложи зашто тоа може да доведе до инерција на целиот процес кој потоа би траел долго време, а тоа, напомена, ќе ги загрози интересите на Северна Македонија, на регионот и на ЕУ.
Затоа, подвлече Пахор, сега треба, без одложување, по тивките, како што рече, дипломатскли канали, но и отворено, на ниво на ЕУ, да се најдат сите патишта меѓувладина конференција да почне.
-Не можам да кажам колку е тоа битно. Мојата посета тука не е случајна, не е случјано ниту времето на посетата. Го избрав зашто сакам како една од 27-те држави на ЕУ да нагласам дека сега е вистинската прилика да не се одложува меѓувладината конференција на Северна Македонија со Европската комисија.
Разбирам дека некои соседни држави имаат колебања, но сакам отворено и јасно да кажам дека сега е вистинско време за солидарност меѓу членките на ЕУ и за целата дипломатска ветшина да стори се меѓувладината конференција да почне без одложувањеСловенија сега не го повикува Брисел да направи чекор, туку сум тука, во Скопје, посебно да кажам само за една држава, зашто сé уште важи индивидуланиот пристап, потенцира Пахор на заедничката прес-конференција со Пендаровски.
Предизвикот, дополни, е многу голем, но со вешта дипломатија и цврста одлука да се почтиуваат постигнатите договори, може да се реши. Северна Македонија, потенцира Пахор, последните години направи толку многу за да ги исполни сите услови на ЕУ, така што сега би било неверодостојно да се одложат билатералните разговори со Унијата.
-Знам колку е чувствително тоа прашање. Но, кога блокирате договори станува политички се потешко да се најде компромис, рече словенеќчкиот претседател и додаде „двете држави да најдат решение што побрзо зашто одложувањето би зналело многу тешка задача за наоѓање прифатливи решенија“.
Претседателот Пендаровски кусо додаде дека до овој момент не постои официјална позиција на Бугарија со која се бара одложување на првата меѓувладина конференција.
– Сакам да го видам крајот на преговарачкиот процес кој се одвива во ЕУ. Не би ја коментирал почетната преговарачка позиција на Бугарија. Имаме намера периодов да го отвориме комуникацискиот канал со Софија. Би почекал следните недела – две како ќе се одвива преговарачкиот процес во Брисел. Има сигнали дека може да се најде компримис за неколку точки. Апсоултно сум убеден дека нашите бугарски пријатели нема да си дозволат да бидеме блокирани во декември, напомена Пендаровски.
По заедничката прес-конференција е предвидено Пендаровски и Пахор да положат венци на гробот на Гоце Делчев во црквата „Св. Спас“. Пахор потоа ќе се сретне со претседателот на Собранието, Талат Џафери, а ќе има и обраќање пред пратениците во Законодавниот дом.
За попладне е планирана средба со премиерот Зоран Заев.
Словенечкиот претседател, кој ќе престојува во земјава денеска и утре, на платото пред „Вила Водно“ беше официјално пречекан од претседателот Пендаровски со највисоки државни и воени почести.
Потоа се одржа тет-а-тет средбата на двајцата претседатели по што следуваше и пленарниот состанок на официјалните делегации на Република Северна Македонија и Република Словенија.
Пахор и Пендаровски утре ќе заминат за Охрид, каде ќе присуствуваат на показна вежба на специјалните сили на Армијата на Република Северна Македонија во Кампот за обука на вода. Претходно ќе прошетаат низ Охрид и ќе ги разгледаат културните знаменитости.
Борут Пахор за време на посетата на земјава е придружуван од министрите за економски развој и технологија и за одбрана, Здравко Почивалшек и Матеј Тонин.
Во овој контекст треба да се спомене, а тоа го истакнуваат гореспоменатите интелектуалци, дека Хрватска споменала во Брисел дека има намера да бара признавање на македонско национално малцинство во Бугарија, што по нив е само дказ дека бугарската националистичка политика наидува на бумеранг ефект!
