Севернокорејските војници дојдоа во Русија како засилување против Украина, а сега исчезнаа најмалку три недели наназад. Дали ќе се вратат назад?
Севернокорејските трупи, испратени да се борат заедно со Русија во нејзината војна против Украина, не се видени во борба веќе неколку недели, што поттикна шпекулации дека тие се повлечени откако претрпеа големи загуби, според јужнокорејска шпионска агенција.
Националната разузнавачка служба во Сеул оваа недела ги потврди медиумските извештаи дека севернокорејските трупи биле повлечени од линијата на фронтот во средината на јануари.
Северна Кореја почна да испраќа околу 11.000 војници во руската област Курск кон крајот на 2024 година, во која украинските војници влегоа во август. Распоредувањето на севернокорејската војска дојде набргу откако севернокорејскиот врховен лидер Ким Џонг-ун и рускиот претседател Владимир Путин се согласија на меѓусебен одбранбен пакт дизајниран да го зајакне нивниот сојуз против, како што ја нарекоа, „западната хегемонија предводена од САД“.
ГОЛЕМАТА ЧОВЕЧКА ЦЕНА Учеството на севернокорејските војници во руско-украинската војна имаше голема цена, според јужнокорејските разузнавачи, кои наведуваат дека околу 300 Севернокорејци загинале, а околу 2.700 се ранети. Во јануари, украинскиот претседател Володимир Зеленски објави видео на кое се прикажани двајца заробени севернокорејски војници, од кои едниот рече дека неговите команданти му рекле дека го испраќаат на „обука“.
Севернокорејските војници, кои немаа борбено искуство пред да пристигнат во Русија, се вели во проценката дека не се подготвени за суровата реалност на војување на непознат терен и особено ранливи на украинските беспилотни летала.
Претставници на јужнокорејските разузнавачи тврдат дека се пронајдени белешки на мртви севернокорејски војници кои укажуваат на тоа дека режимот очекувал тие да се убијат наместо да бидат заробени.
Пристигнувањето на севернокорејските трупи предизвика стравувања дека војната може да добие опасен пресврт за Украина, поради тврдењата на воените претставници во Јужна Кореја дека режимот во Пјонгјанг се подготвува да испрати уште повеќе војници. Во замена за испраќање персонал, оружје и муниција, Северна Кореја се надева дека ќе добие пристап до софистицирана руска сателитска технологија и ќе заработи странска валута за да ги финансира своите нуклеарни и балистички ракетни програми.
ПОВЛЕКУВАЊЕ ОД КУРСК Јужнокорејското разузнавање соопшти дека високиот број на жртви бил фактор за очигледната одлука за повлекување на севернокорејските војници од Курск, каде што украинските сили започнаа ненадејна офанзива во август 2024 година.
Сет Џонс од Центарот за стратешки и меѓународни студии во Вашингтон оваа недела проценија дека околу половина од севернокорејските војници распоредени во Украина биле убиени или ранети во руската „војна за трошење“.
„Стапката на жртви беше значителна. Според повеќето извештаи, тоа е некаде помеѓу една третина или можеби дури и половина од жртвите меѓу севернокорејските сили” рече Џонс, според јужнокорејската новинска агенција Јонхап. Тој оцени дека бројките „од дури 1.000 убиени“ се, како што рече, „прилично запрепастувачки жртви за силите од 11.000 до 12.000 војници“, пишува Гардијан.
Северна Кореја јавно не ја призна својата улога во војната, но Путин во октомври не негираше дека севернокорејските сили пристигнале во Русија. Заменик-министерот за надворешни работи на Северна Кореја Ким Џонг-ју рече дека секое такво распоредување ќе биде во согласност со меѓународното право.
ЗЕЛЕНСКИ: СЕ ВРАТИЈА Севернокорејските трупи, испратени да се борат заедно со Русија во нејзината војна против Украина, не се видени во борба веќе неколку недели, што поттикна шпекулации дека тие се повлечени откако претрпеа големи загуби, според јужнокорејската шпионска агенција.
Националната разузнавачка служба во Сеул оваа недела ги потврди медиумските извештаи дека севернокорејските трупи биле повлечени од линијата на фронтот во средината на јануари.
