Ако зад нон-пејперот за Косово стои „многу паметна жена“, притисокот врз Вучиќ расте
СУЗАНА САВИЌ
Признавањето на Косово е нешто што е неприфатливо за Србија во документот објавен од весникот Коха диторе, вели претседателот на Србија. Тој додава дека ќе разгледаат сè за да видат што се зборува за Белград, а што за Приштина. Аналитичарите потсетуваат на демантите кои пристигнаа од странски дипломати, но не ја исклучуваат можноста документот да биде „пробен балон“. Јавноста не знае кој и за каква цел го напишал, а претседателот се сомнева во една личност, но не открива за кого станува збор.
„Ме убија со разни нон-пејпери. Во два и пол доаѓам од Брисел во Белград и добивам нов нон-пејпер, па притисокот ме уништува, инаку второто е во ред “, рече претседателот на Србија, Александар Вучиќ, на ревакцинацијата во селото Пуковац.
Овој документ го загрижува повеќе од оној што му се припишуваше на Јанез Јанша претхосдно. Тој вели дека Србите би сакале многу работи. Но, нешто ја расипува среќата.
„И тогаш една клучна работа, а тоа е признавање на независно Косово, што е страшно за Србите. Значи- Србите добиваат 90 проценти од работите или 80 проценти од работите што се помалку важни а ја дваат најважната – мора да ни ја доставите “, рече Вучиќ.
Исто така, дознавме дека е напишано од некој многу попаметен и поитар од авторот на претходниот нон-пејпер.
„Се сомневам дека една личност стои зад тој предлог, таа е фантастично паметна жена“, рече Вучиќ.
Известувачот на Европскиот парламент за Србија не знае дали документот е добар или лош затоа што не го видел. Би го нарекол добар секој договор што е прифатлив за обете страни.
„Јас нон-пејперот од Приштина го поврзувам со разговорите што се очекуваат меѓу Белград и Приштина, а тоа е најавено пред заминувањето на Албин Курти во Брисел и веќе знаеме каква политика има Владата на Косово, тоа е дека дијалогот не е на нивната агенда. Тоа е петто прашање по приоритет“, посочи уредникот на косевскиот портал Kossev Тања Лазаревиќ во емисијата „Студио Н1 во живо.“
„Веста што беше објавена во „Кохи диторе“ под етикетата „ексклузив “, со скенирани документи, укажува на претпоставка дека наишле на хартија“. Утрово, германскиот амбасадор во Приштина, Јерн Роде, ги демантираше овие информации, користејќи прилично груби зборови – тој ги нарече лажни вести. Сепак, во самата порака тој се дистанцираше, велејќи дека постои можност да има некаква хартија, но тој истакна дека Германија не стои зад тоа. Француската амбасада наскоро реагираше, а исто така го демантираше. Двете дипломатски страни посочија дека ги поддржуваат преговорите во рамките на ЕУ “, рече Лазаревиќ.
Објавивме документ за кој се тврди дека е германско-француска иницијатива за ревитализација на дијалогот меѓу Косово и Србија, изјави главниот уредник на приштинскиот дневен весник „Коха диторе“, Агрон Бајрами за „ФоНет“, оценувајќи дека содржината на тој нон-пејпер го одразува она што се случува во бриселскиот дијалог.
Тој објасни дека редакцијата на Коха се обидела да добие потврда за автентичноста на тој документ, но дека проблемот е што документите од типот на нон-пејпер никогаш не добиваат потврда.
