За наградата која ја доделува Фондацијата Славко Јаневски конкурираат 38 дела, сега со имиња на автори кои поретко се појавиваат во некаква компетиција
Жири-комисијата за годинашната награда „Роман на годината” што ја доделува Фондацијата за унапредување и промоција на културните вредности „Славко Јаневски” во соработка со Град Скопје, а под генерално покровителство на „Комерцијална банка” АД, во состав Николина Андова Шопова (претседателка), Милован Стефановски (писател), Весна Мојсова Чепишевска (професорка на Универзитетот „Св. Кирил и Методиј”), Славе Ѓорѓо Димовски (писател) и Катерина Богоева (претставник на Фондацијата „Славко Јаневски”) на својот конституитивен состанок констатираше дека годинава се одликува со мошне богата романсиерска продукција што се огледа и во фактот дека на годинашниот конкурс се пријавија дури 38 романи.
Според пропозициите на наградата, жири-комисијата ќе треба да го соопшти името на лауреатот најдоцна до 15 март, додека свеченото врачување на наградата ќе се случи во првата половина од април.
Наградата „Роман на годината“ се доделува 21-ви пат. Неа ја востанови и ја доделуваше „Утрински весник“, сѐ до неговото згаснување во 2017 година, кога наградата ја презеде Фондацијата „Славко Јаневски“. Наградата „Роман на годината“ се состои од оригинална статуетка, плакета и паричен износ од 150.000 денари.
Список на пристигнати дела на конкурсот „Роман на годината“ за 2019 година
- „Молчи со отворена уста“, Снежана Младеновска Анѓелков, „Или -Или“
- „19.“ – Верица Ацеска, „Прозарт“
- „Александар и Клеофила“, Паскал Гилевски, „Панили“
- „Кафез за душата “ , Јован Дамјановски, „Дијалог“
- „Временската енигма“ („Експеримент 51“, II дел) – Методија Диневски „Култура“
- „Ноќта кога ја напуштив Прага“, Јован Илиевски, „Култура“
- „Под друга капа“, Владо Јаневски, „Магор“
- „Црна шума“ , Симеон Јанков, „Ми – Ан“
- „Ѓаволска наметка“, Љубомир Јовановски, „Култура“
- „Живеј го животот со восхит“, Катарина Јовчевска, „Академски печат“
- „Тие мили мали слатки дечиња“, Антонио Карабелов, „Антолог“
- „Како станав Амадеус“, Трајче Кацаров, „Силсонс“
- „Како избравме американски претседател“ – Александар Сашко Кукулев, „Полица“
- „Правта на библиотеките“, Митко Маџунков, „Три“
15.„Последна граница – Истапени сечила“, Зоран Милошевски, „ПНВ Публикации“
- „Мрежата на Мамли“, Блаже Миневски, „Матица македонска“
- „Пагански времиња“, Драги Михајловски „Просветно дело“
- „Песот со тажен поглед“, Оливера Николова, „Матица македонска“
- „Сивиот плоштад“ – Сашо Огненовски, „ПНВ Публикации“
- „Мемоари на задоцнетиот романтичар“, Божин Павловски, „Матица македонска“
- „Дваесет и четири часа“, Милијана Павловска, „Култура“
- „Излегов“, отец Пимен, самостојно издание
23.„Вампирџија“, Владимир Плавевски, „Арс Ламина“
- „Краста на душата“, Владимир Плавевски, „Магор“
- „Вилино“, Винка Саздова, „Три“
- „Последните денови на Ханс“, Михајло Свидерски, „Или -Или“
- „Блесок на пролетта“, Катерина Серафимовска, „Култура“
- „Цариградски емигрант“, Луан Старова, „Три“
- „Дијалози во еднина“, Ана Стојаноска , „Култура“
- „Ќерката на дрвосечачот“, Наде Стојилковиќ, „Сакам книги“
- „Пустинско рандеву“, Снежана Крстевска Стојковиќ, „Просветно дело“
- „Алиџан“, Јусуф Сулејман , „Антолог“
- „Години од слама“, Братислав Ташковски, „Панили“
- „Сестра Касијана“, Добре Тодоровски, „Матица македонска“
- „Аб’т – роман длабок 18 метри“, Оливера Ќорвезироска, „Или -Или“
- „Вергина“, Јана Узунова, „Или -Или“
- „Ура, Арал“, Тања Урошевиќ, „Темплум“
- „Девет приказни за госпоѓица Сит“, Билјана С. Црвенковска, „Чудна шума“
Списокот на Фондацијата може да се види дека имаме враќање на многу познати имиња на кои веќе сме заборавиле а кои сега треба да ја докажат својата „виталност“. Во секој случај постои силна конкуренција која работата на жирито секако ќе ја направи последена од јавноста и веројатно ќе донесе неизвесност до крајот.
