НАТО е организациуја која работи на јакнење на сите структури на одбраната. Борбата со пожарите е и ќе остане голема опасност во иднината. Шекеринска и Тонин беа во посета на Берово: Наши пожарникари ќе одат на обука во Словенија
Берово е најпознатиот македонски град во Словенија, бидејки луѓето со внимание ги следеа вестите за пожарите, така што нашите срца беа со вас, изјави словенечкиот министер за одбрана, а македонската министерка најави дека двете држави ќе настапат со заедничка програма за реформирање на противпожарниот систем во земјава
Министерката за одбрана Радмила Шекеринска и нејзиниот словенечки колега Матеј Тонин неидамна го посетија Берово, каде што претходно пожарникари од Словенија учествуваа во гасење на пожарите што посебно го зафатија тој регион од земјава.
Шекеринска и Тонин имаа имаа средба со градоначалникот на Берово Звонко Пекевски и со локалното население. Градоначалникот, како што соопшти МО, ја пренел благодарноста на луѓето од Малешевијата за помошта што им ја пружија словенечките пожарникари и Армијата при неодамнешните пожари. Шекеринска посочила дека по трагедијата што се случи во Берово и големата поддршка од Словенија стана јасно дека на противпожарниот систем му е потребна реформа и дека поддршката од пријателските земји треба да се користи во таа насока.
Словенија има големо искуство, тоа се виде и во Берово и тоа ќе го искористиме. Министерот Тонин понуди шанса наши пожарникари да заминат на обука во Словенија, а на противпожарните единици да им обезбедат опрема и обука за ракување. Берово ги зближи нашите две земји во врска што ќе се памети и ќе трае засекогаш“ – истакна Шекеринска и дополни дека двете држави ќе настапат со заедничка програма за реформирање на противпожарниот систем во земјава.
Тонин истакна дека е задоволство да се помогне на пријателите кога најмногу имаат потреба од помош.
„Веднаш одговоривме на повикот со праќање противпожарни екипи и опрема. Задоволство ми е што бевме дел од успешната акција за победа над пожарите, за да се спаси она што беше неопходно да се спаси, на што сме многу горди. Берово е најпознатиот македонски град во Словенија, бидејки луѓето со внимание ги следеа вестите од овде за време на пожарите. Берово цело време беше присутно во медиумите, така што нашите срца беа со вас во тоа време и радосни сме што немаше човечки и материјални штети”,- рече Тонин.
Тој посочи дека Словенија преку нашето Министерство за одбрана ќе продолжи со поддршката во делот на противпожарната заштита особено преку донации во опрема како поддршка за пожарникарите.
Во изминатите 2 години штетата од пожарите изнесува околу 14 милиони евра. Штетата од овогодинешните пожари допрва ќе се утврдува. За обнова на опожарената површина, според Македонски шуми, потребни се 50 години.
Штетите од пожарите кои се уште се активни низ земјата ќе се знаат откако тие ќе бидат локализирани, но ако се земат предвид бројките од претходните години се работи за милионски суми. Илјадници хектари шума се уништија во изминатиот период, а надлежните се уште се борат со огнената стихија. Од 3 август се воведе забрана за движење во шумските предели низ земјата.
Директорката на Јавното претпријатие Национални шуми Јулиана Николова вели дека во моментот не може да се утврдат штетите бидејќи треба да заврши процесот за да може истата да се пресмета.
„По завршувањето на стихијата ние имаме екипи коишто излегуваат на терен кои што утврдуваат штетата која што е направена и материјална и финансиска и пошироко. Тука зависи од видот на дрвата и на каква површина се така што ние ќе ги направиме сите проценки после завршувањето на огнената стихија“, вели Николова.
Во 2020, според годишниот извештај на Македонски шуми во земјата имало имало 102 пожари. Вкупно била опожарена површина од 1.233 хектари. Oпожарената дрвна маса изнесувала 8.138 м3. Додека пак била причинета штета од околу 1 милион и 300 илjaди евра.
„Што е значителна бројка која што е штета не само за претпријатијата и за државата она што може да се измери во материјални средства. Штетата што е многу поширока во смисла на екосистемски штети е огромна и ненадоместлива“ истакнува Николова.
Во 2019, според годишниот извештај на Македонски шуми во земјата имало имало 402 пожари или четири пати повеќе од лани. Загубите се далеку поголеми, односно биле опожарени 15.675 хектари. Oпожарената дрвна маса изнесувала 95.938 м3. Штетата која ја нанеле пожарите била околу 13 милиони евра.
Колку чини пошумувањето зависи од површината, од видот на почвата и какво дрво каде успева, додава Николова. Според неа, потребни се неколку децении за обнова на опожарените површини.
„Во консултација со колегите кои се експерти во оваа област околу 50 години треба да дојде во некоја првобитна состојба, што е навистина многу“, истакнува таа. Владата на 5 август поради пожарите прогласи кризна состојба во траење од 30 дена.
„Одлуката за постоење на кризна состојба на територијата на Република Северна Македонија заради зголемена појава на пожари и спречување од нивно ширење во траење од 30 дена е донесена со оглед на потребата од рационално користење на националните ресурси и координираното дејствување на сите засегнати институции, заради зголемената појава на пожари и спречување на нивно ширење“, се наведува во соопштението на Владата.
Во 2020 вкупно имало пошумување од 569 хектари, според податоците на Државниот завод за статистика. Поголема е бројката во 2019 и 2018 година кога по речиси илјада хектари биле насадаени. За трите години било извршено пошумување со 2493 хектари. Вкупната површина на шума лани, како што наведува статистика изнесувала 910.552 хектари.
