Група граѓани на Струга бараат од надлежните институции да се преконтролираат сите угостителски објекти на струшкото крајбрежје со цел да се утврди дали поседуваат валидна документација во делот за закуп или имотен лист за сопственост, како и документација за нивна градба, адаптација, пренамена, реконструкција или концесија и доколку немаат, тие да се затворат. Тие тврдат дека голем број локали поставени на државно земјиште работат со истечени закупи-концесии од 2015 година. Од општина Струга деновиве најавија инспекциски контроли на сите угостителски објекти на територијата на градот. Весникот ВЕЧЕР денеска прати прашање на официјалниот мејл на општина Струга дали одредени локали и плажи имаат валидни закупи–концесии, но до затворање на весникот одговор не добивме. Никој не се јавуваше и на двата телефона за контакт јавно објавени на веб-страницата на општина Струга
Група граѓани на Струга бараат од надлежните институции да се преконтролираат сите угостителски објекти на струшкото крајбрежје со цел да се утврди дали поседуваат валидна документација во делот за закуп или имотен лист за сопственост, како и документација за нивна градба, адаптација, пренамена, реконструкција или концесија и доколку немаат, тие да се затворат.
Во овие констатации се споменува еден немил настан во кои починаа три видни граѓани (двајца доктори и еден инспектор) кои загинаа од струен удар на отворен шанк во 2010 година. Постои тенденција на изумирање на оние угостителски објекти кои работат според пропишани стабндарди но токму таквите можат бргу да згаснат. Потребно е да се спречи анархијата во оваа гранкапокрај струшкото крајбрежје. Во таа насока испратен е и допис на надлежните во Општината и во медиумите (конкретно се споменува весникот „Вечер“).
Оттаму, објаснуваат дека со давање на земјиштето покрај езерското крајбрежје под закуп, а на кое требаше да биде поставена урбана опрема, шанкови од сезонски карактер и лежалки, кои би работеле само во период од сезоната, за жал, како што нагласуваат, денес со нивно проширување и надградување, истите се претворени во ресторани, пицерии, слаткарници, ноќни клубови, дискотеки со период на работа преку целата година.
– Тие објекти не претставуваат урбана опрема од сезонски карактер, туку тоа се објекти од цврст материјал и претставуваат дивоградби. И да се сезонски објекти на истите им се истечени концесиите уште во 2015 година. Овие објекти остваруваат приходи и се донесуваат како сопственици на државен имот веќе 15 години, уште од 2010 година. Жалителите сметаат дека тие до сега оствариле добивка од 5 милиони евра по една година или 75 милиони евра вкупно!
Ова дивеење затвориле девет угостителски објекти во чаршијата.
Мерката што Државната комисија за спречување на корупцијата во 2020 година ја донесе во делот на законската регулатива да може Пазарната инспекција да излезе на лице место со основна цел, за ваквите случаи, прво да биде утврден сопственичкиот карактер на закупците, прикажан како основен документ договор за закуп без кој не би можела да се продолжи дејноста. Тоа, не вроди со плод затоа што Законот за увид од Пазарната инспекција се укина.
Во писмото на дел од угостителите до надлежните се констатира дека Струга во 70-тите години имала завидно реноме а дека тоа е уништено. Ја нема урбаната слика на модерен град. Пред се плажите немаат карактеристика на плажа туку се панаѓурско собиралиште, со диви автокампови, диви сали за свадби, слаткарници, пицерии, нема слободни површини без лежалки нема уредено зеленило, нем постојат гардеробери…
Градот не може да се прикаже како град ставен на мапата на светско и културно наследство, се констатира во писмото на група граѓани.
Тие наведуваат и кои објекти на крајбрежјето на град Струга, според нив, се дивоградби и дека треба да се контролираат од надлежните државни и општински инспекторати.
Се наведува примерот со дивоизградената сала за свадби кај хотел „Аплонија“ кој според градскиот план треба да е спортски објект! Во катастарот таа парцела се води како – вода! Потоа, посочуваат дека на плажа ресторан „Аквариус“ има дивоизградени објекти, плажи, платформи, исечени трски, насипани површини за плажа. Објектот е поставен на катастарска парцела 1 којашто претставува вода – Охридско Езеро, нема ни законска можност за негово понатамошно работење, а закупот–концесијата е со истечен датум во 2015 година. Исто така, велат дека и ресторанот на плажата „Версус“ е дивоизграден на кој има кујни, пицерии, бунгалови, платформи, со исечени трски и насипани површини за плажа и дека и на овој објект закупот-концесијата им е истечена во 2015 година.
И на познатите Женска плажа и Машка плажа, посочуваат граѓаните, има диво изградени објекти на земјиште во државна сопственост кои се со истечен датум за закуп во 2015 година.
Граѓаните на Струга велат дека локацијата на некогашната плажа „Галеб“ сега е узурпирана со диво изградени кафе-бар „Релакс“ и „Галеб“ на земјиште во државна сопственост.
Објектот кафе-бар „Релакс“ работио на црно, бидејќи во постапка е постапка за легализација од 2011 година за која Министерството за транспорт и врски има доенсено негативно решение. Но Општна Струга секоја година издава незаконско решение.
Со истечен датум за закуп-концесија во 2015 година е и плажата „Блу скај“ на која, како што нагласуваат граѓаните, на лице место постојат диво изградени бунгалови и два ресторани за свадби, а и плажата „Дада бар“, на која има ресторан и пицерија со истечен датум на закуп во 2015 година, исто како и плажата ресторан „Аденија“.
Се нагласува дека има и три плажи со супстандардни објекти од ресторан „Матадор“ до „Еврохотел“. Плажите имаат жичана ограда, има диво изградени шанкови, узурпиране просторот до самата вода што е противзакинито. Се потенцира дека пред „Еврохотел“ има дивоизградени – тиое се од материјали што ен се дозволени (супстандардни) и се на државно земјиште кое е едноставно – узурпирано.
Се сспомкенува и автокампот „Рино“ кој има извршна судска пресуда дека треба да се урива. А кампот „Санрајс“ е истиот така објект кој работи на диво. Од сите овие објекти општината наплатува за користење на опрема на државно земујште ама тоа е еден вид на легализација.
Поради посочените неправилности што се случуваат во угостителски објекти долж струшкото крајбрежје, бараат од надлежните институции да се евидентираат сите објекти за кои не постои никаква документација во делот за закуп или имотен лист за сопственост и да се затворан оние што немаат основна документација за нивна градба, адаптација, пренамена, реконструкција или концесија.
(целиот тркст кој е доста долг и подробно ја објаснува ситуацијата може да се прочита на сајтот (https://www.vecer.press/strushkoto-krajbrezhje-e-polno-so-horor-kafeani-i-diskoteki-ima-li-kraj-za-anarhijatа).
