Билјана Мојсоска Ларсен, професор на еден од најдобрите универзитети во Европа станува забележителна во сферата на науката
Македонските мозоци творат ширум светот. Меѓу нив е стружанката Билјана Мојсоска Ларсен, професор на еден од најдобрите универзитети во Европа – Роскилде во Данска. Предава хемија и микробиологија, работи на развој на нови антибиотици, еден од нејзините изуми се пептиди против туберколоза.
тружанката Билјана Мојсоска Ларсен е професорка на еден од најдобрите универзитети во Данска. Студирала на факултетот Роскилде, а како најдобар студент добила државна стипендија, продолжила магистерски по хемија и молекуларна биологија. Потоа добила понуда за докторски студии, кои ги завршила во отсекот на изработка на нови антибиотици, пошто следеле и пост-докторски студии.
Денес предава хемија и микробиологија на истиот универзитет и работи во развојот на нови антибиотици.
„Патот е минимум 15 години да се стане професор во Европа и мислам се уште се надоградувам , се уште можеш да учиш. Во докторатот и пост – докторатот работев со антибиотици кои се викаат БМ како Билјана Мојсовска и направивме пептиди кои беа особено активни против туберколоза. Таа публикација е една од тие кои што ме прави горда“ – вели Билјана Мојсовска Ларсен професорка на универзитетот Роскилде Данска.
Билјана две децении живее во Данска, омажена е за Данец, иако и недостига родната Струга, вели не размислува за враќање во земјава.
„Ќерка ми ја учам „Како Струга нема друга, кај да одиш кај да шеташ тука пак ќе се вратиш“, значи Струга е тука стално идам и помагам колку што можам, но кога ќе си 20 години во една друга држава, значи заминав на 18 години цел развиток на професионално ниво е направен тука. Овие можности кои што ги имам тука се многу повеќе од она што Македонија нуди“ – вели Мојсвоска Ларсен.
Професорката од Струга вели често соработува со домашните научници , ја поддржуваат и помагаат науката во земјава, но во европските земји научната мисла го има заслуженото место.
„Слободното време го користам да помогнам, но да се вратам на систем кој не го поддржувам потешко. Сами гледате професор да се стане потребни се најмалку 15 години , не со три години, магистер не се станува со 6 месеци да препишеш магистерски труд што ти го дал професорот. Фрижидер со риби и вина немам значи тоа е систем што не би го поддржала.“– вели Мојсоска.
Мојсоска е дел од проектот на македонските научници во странство – „Наука за сите”, дел од организацијата „Наука за деца”, воедно и член на Центарот за напредни интердисциплинарни истражувања при УКИМ.
(https://tvm.mk/news)
