Во Вашингтон има псотојани сослушувања во врска со политиката која претседателот Трамп ја води со Украина
Поранешната советничка на Трамп за Русија – Фиона Хил деновиве сведочеше дека се противела на повлекувањето на амбасадорката од Украина. Таа сведочеше зад затворени врати, а детали од распитот беа објавени во Асошиетед прес, Њујорк тајмс и Вашингтон пост
Фиона Хил, истакнала дека силно се противела на повлекувањето на поранешната амбасадорка во Укрина Мари Јованович, и оти поранешниот советник за национална безбедност Џон Болтон и` кажал на Хил да покрене прашање за загриженост во врска со напорите да се притисне Украина со адвокатите на Белата куќа.
До јули, кога таа ја напушти Белата куќа, Хил беше директорка за Европа и Русија во Советот за национална безбедност на Трамп, со длабоко познавање на надворешната американска политика. Минатата недела, Јованович, дипломатка на Стејт департментот, им кажа на законодавците дека Трамп ја тргнал од функцијата амбасадорка во Украина, врз база на неосновани и неточни тврдења, откако личниот адвокат на Трамп Руди Џулијани ја нападна нејзината работа во Киев.
Да се потсетиме дека Трамп во телефонски разговор со украинскиот претседател Володомир Зеленски во јули годинава, побара Украина да отвори истрага за поранешниот потпретседател Џо Бајден и неговиот син Хантер.
Многу Украинци сега стравуваат дека нивната држава може да настрада од жестоката политичка битка во Вашингтон
Украина е во центарот на процесот за импичмент против претседателот Доналд Трамп, во време кога демократите тврдат дека извршил притисок врз Киев да спроведе истрага за синот на неговиот политички ривал Џо Бајден. Мрежата од обвинувањата, но и контра-обвинувањата ги поткопуваат напорите на Украина да се справи со корупцијата по смената на претседателот Виктор Јанукович во 2014-та.
Многу Украинци сега стравуваат дека нивната држава може да настрада од жестоката политичка битка во Вашингтон.
„Искрено, мислам дека проблемот е меѓу републиканците и демократите. Ова не е наш проблем“, изјави жителката на Киев, Ирина, за Гласот на Америка.
„Украинците знаат дека се работи за американски циркус, театар, дека не треба да обрнуваме внимание“, вели Володимир Костик, кој е роден во Украина, но бил во посета на Киев, а живее во Флорида.
Претседателот Трамп го обвини Џон Бајден дека изнудил оставка на тогашниот главен обвинител на Украина Виктор Шокин за да го заштити неговото семејство. Поранешниот потпретседател негира.
Шокин претходно бил под истрага за наводна корупција во енергетската фирма Бурисма, каде со синот на Бајден, Хантер, бил дел од Бордот на директори. Неговиот заменик во тоа време, Давид Сакварелидѕе, за Гласот на Америка, рече дека неговиот шеф бил сменет зашто бил неефикасен.
Инаку, поранешната амбасадорка на САД во Украина Мари Јованович пред Претставничкиот дом, изјави дека претседателот на САД Доналд Трамп извршил притисок врз Стејт департментот таа да биде отстранета од функцијата, објави Вашингтон пост.
Трамп ја отповика Јованович од амбасадорското место во Украина минатиот мај, по тврдењата дека таа сакала да ги потцени неговите политики.
Во нејзиното подготвено сведочење, поранешната амбасадорка рече дека одлуката на нејзините претпоставени за повлекувањето била базирана на „неосновани и погрешни тврдења од луѓе со дискутабилни мотиви“.
Таа денес сведочеше зад затворени врати пред комитетите на Претставничкиот дом, кои ја водат истрагата за импичмент на Трамп.
