Дојде време експлицитно да се зацврсти верската неутралност на Грција, смета ова владино раководство. Ципрас се обезбедува од покренување на недоверба на Влада без да има предлог за нова!
Премиерот на Грција Алексис Ципрас денес на состанок на пратеничката група на својата партија СИРИЗА ја обелодени содржината на предлогот за ревизија на грчкиот устав, во кој најголемата точка е внимателен чекот кој нов однос на црквата и државата кои во Грција не се раздвоени.
„Државата и Црквата имаат зрелост, мудрост и чувствителност да прифатат поправање на својот однос. Дојде време со уставот експлицитно да се зацврсти верската неутралност на грчката држава со сето што тоа го подразбира – регулаторно и во пракса“, кажа грчкиот премиер.
Втората предложена промена на уставот – а нив ги има вкупно 15 – е уставно воспоставување пропорционален изборен систем кој во Грција сега е мешан и може да се менува со закон.
Третата предложена новина е менувањето на владата да се отежни со воведување на „конструктивно гласање недоверба“ во уставот, така што собранието нема да може да прифати ни предлог за гласање за тоа, освен ако однапред, пред гласањето доверба, нема друг кандидат за претседател на владата, наместо оној за доверба во кого треба да се гласа.
Ципрас кажа дека тоа „создава политичка стабилност, бидејќи се отежнува да се случи предвремено престанување на мандатот, создавајќи услови за четиригодишни политички циклучи, без тактизирање и влијание на вонинституционални политички центри“.
Следен предлог за измена на Уставот на Грција е да се воведе дека претседател на владата може да биде само некој од пратениците, односно, како што кажа Ципрас, „претседателот на владата мора да го бира грчкиот народ“ за да се „избегне повторување на вонредните политички услови во кои за премиери се поставуваат оние кои не минале низ маката на народното гласање“, кажа грчкиот премиер.
Покрај тоа, кажа Ципрас, СИРИЗА инсистира на уставно „гарантирање право на референдум по народна иницијатива“, но само за „пресудни национални прашања или за некој изгласан закон“.
Предлог за измена на уставот на Грција е и воведување „народна законодавна иницијатива“, бидејќи сега законите практично може да ги предлага само владата.
Меѓу останатите предложени промени на уставот се измена на процедурата за избор на претседателот на државата, со можност во некои случаи да го бира и народот, а не само пратениците, построги услови за формирање независни институции и регулаторни тела кои се намножиле во Грција, построго регулирање на имунитетот, односно правосудните одговорности на пратениците и министрите, ограничување на бројот на мандати во текот на кои некој може да биде пратеник.
Ципрас предлага и уставна забрана на приватизација на водата и електричната енергија, како и воведување во уставот на исклучиво право на „социјалните партнери“ на државата да одредуваат колкава ќе биде најниската плата – „минималецот“ – без нејзино мешање.
На сите предлози кои наскоро ќе бидат официјализирани за да почне процедурата на промена на уставот, опозициските партија бурно реагираа.
Сегашниот устав на Република Грција е донесен по соборувањето на воената диктатура во 1975 година, темелно ревидиран во 1986, а делумно изменет и дополнет во 2001 и 2008 година. за негова промена е надлежно собранието, но не смеат да се менуваат одредбите за обликот на државата – републиката, и за човековите права и слободи.
