Исповед на маж кој преживеал 67 дена на отворено море: Тој со братот и внукот се оддлачеле во мал чун далеку од брегот
Михаил Пичугин, жител на Бурјатија, кој преживеал 67 дена во чамец на надувување во Охотско Море, е спасен откако изгубил 50 килограми. Објаснхил дека преживеал благодарејќи на тоа ѓто собирал дождовница. Тој отишол на море со братот и внукот, кои починале од исцрпеност.
„Бев спасен со Божја помош. Нозете ми беа влажни и студено, а собирав вода од дождовницата. Имаше и вреќа за спиење од влакна од камила. Ќе ги лизгнев мокрите нозе под него и ќе ги загревав додека се нервирав.“,- вели Пичугин.
Михаил на 9 август отишол на риболов со братот и внукот, но моторот на чамецот набрзо се расипал. Не можеле да ја поправат штетата, а набрзо брановите почнале да го носат чамецот подлабоко во отворено море. Отпрвин, тие се потпирале на залихите на храна и вода, кои набрзо ги снемало.
На почетокот на септември од глад починал неговиот внук Илја, а недолго потоа, на крајот на истиот месец, починал и неговиот брат Сергеј. Тогаш Михаил ги врзал телата за чамецот за да не паднат во морето. Јадел само остатоци од грашок и собирал дождовница, а кога го пронашле останал и без храна.
Пичугин поставил рефлектори на чамецот, со помош на кои морнарите го забележале и го спасиле, пишува каналот „Телеграм 112“.
Отпрвин мислеле дека е рибарска пловка, но кога се приближиле забележале човек како мавта со рацете. Исцрпениот човек го кренале на бродот и го нахраниле со супа, за да го оживеат.
Татјана Савченко, заменик-шефот на владата на Магадан, вети дека властите ќе му платат билет за дома и ќе им помогнат на неговите роднини. Според неа, неговата состојба сега е задоволителна.
Николај Зорченко, капетанот на руската фрегата „Палада“ за РИА Новости објасни дека е потребно толку време за да се најде чамецот затоа што риболовната активност во оваа област е намалена.
На 9 август жртвите и преживеаниот заминале на пат кон областа Ола во регионот Сахалин преку Сахалинскиот залив кога се изгубик контактот со нив, се вели во соопштението на Обвинителството за транспорт на Далечниот Исток. Наводно отишле по лов на китови не сметајќи на слабоста на моторт, кој потоа се расипал.
Министерството за вонредни ситуации на територијата Хабаровск на 18 август објавило дека спасувачите испратиле четири авиони да бараат луѓе, а дотогаш веќе биле испитани 55.000 квадратни километри од морето и 2.000 километри од брегот. Бродот бил пронајден дури на 14 октомври, во близина на селото Уст-Хајрузово, на територијата на Камчатка, а бил спасен од рибари на рускиот рибарски брод со поетско име „Ангел“.
Според обвинителството, преживеаниот маж е во шок и му е укажана лекарска помош, а според него моторот на чамецот се расипал и почнал да ги влече понатаму кон морето. Не се познати точните околности и времето на смртта на другите две лица.
Пичугин изгубил 50 килограми, што е околу половина од неговата тежина, а, според порталот Kamchatka_ life. ru успеал да ги зачува телата на своите роднини.
Според медиумите, Михаил Пичугин приватно се занимава со риболов, па се претпоставува дека претходното искуство на море делумно му помогнало да преживее.
„Кога рекоа дека е жив, помислив како да се случило чудо што конечно се остварило“, изјави за КП-Иркутск Екатерина Пичугина, неговата поранешна сопруга.
Локалните експерти се зачудени што преживеал 67 дена на брод во екстремни услови.
Дмитри Лисицин, борец за заштита на животната средина, рекол дека тука се случиле две чуда, пишува „Дејли Мејл“.
„Првото е дека толку мал, неконтролиран чамец не го зафатила бура по два месеци пловење. Не можам да разберам како е тоа можно, а второто е дека некој преживеал. Многу е тажно што двајца луѓето ги загубија животите, но фактот дека трето лице го преживеа леденото, бурно море е едноставно неразбирливо“, вели тој.
По закрепнувањето, рибарот може да заврши во затвор до седум години, и покрај чудесното преживување. Руското транспортно обвинителство покрена истрага за потенцијални прекршувања на законите за поморска безбедност, бидејќи, неговиот брод законски не смее да оди толку далеку од морето.
