Прашање за изинатиот викенд беше – што се случува во ДПМНЕ? Промоцијата на програмата, закажана за саботата, се одложи. А преѕседателот го снема од пред камерие, што со оглед на неговата навика да го има по три пати во секои вести е необично!
Од извори на ДПМНЕ се дознава дека заради контрадикторните настапи на медиуми, како што беа изјавите дека не бил асистент на татко му, а тоа е ноторен факт, како и заради немањето одговор на прашањето кој е планот на ВМРО за европската интеграција на земјата, ПР агенциите кои ги ангажирала партијата му советувале дека за да не си го расипе рејтингот најдобро му е да не се појавува често во јавност, иако кампањата само што не почнала и сите партии и лидери се со полни агенди.
Во меѓувреме некои од суштинските јавни и медиумски активности на партијата во овој период додека Мицкоски „апстинира“ од јавност, ги презедоа Александар Николоски и Антонио Милошоски.
Николоски сопшти декас промоцијата на програмата, која беше најавена за денеска, ќе се одржела утре, на 24 март.
Милошоски, пак, излезе со детали за коалицијата и соопшти дека тоа се Социјалдемократската унија, Обединетата партија за целосна еманципација на Ромите, Македонски концепт, Демократскиот сојуз, Обединети за Македонија, ТМРО и Достоинство.
И преземањето на оваа тема од страна на другите првенци на парттијата е необично, уште повеќе што токму Мицкоски, на еден од последните јавни настапи на кои беше виден најави дека кон крајот на месецот ќе се потпише коалицискиот договор и ќе биде промовирана листите за пратеници.
На профилите на социјалните мрежи на Мицкоски последната објава од опозицискиот лидер е на 17 март, кога честита Прочка, а од истиот датум е и последната објава во која се споменува Мицкоски на сајтот на партијата. Ден претходно тој бил на годишнина од формирањето на Демократската партија на Србите.
Додека го нема Мицкоски, јавноста коментира и за поднесената кандидатура за претседател на Гордана Силјановска-Давкова, која наместо со граѓански потписи е единствена кандидатка која на изборите „ќе трча“ со поддршка од 30 пратеници.
Во јавноста се погласно коментираат дека веројатно ВМРО-ДПМНЕ се исплашени дека при верификацијата на наводно собраните потписи, ќе се увидат неправилности и фалсификати, па одлучиле да не ризикуваат. Но, ваквиот потег отвора дополнителни прашања, бидејќи граѓаните сега се загрижени како на партија на која што не може да ѝ се верува за бројот на собрани потписи за претседателски кандидат ќе може да ѝ се верува за останати и поважни работи за иднината на државата.
Останува прашањето каде исчезна Мицкоски во период кога се разгоруваат дебатите во земјава и кога сите партии се подготвуваат за двојните избори.
