ЉУБОДРАГ СТОЈАДИНОВИЌ
Дали Данас го нападнал пророкот? Некаде од Швајцарија беше објавена света војна која го штити српскиот ајатолах од секаква лична грозоморност и ерес, а украдената земја ја враќа со непостоечка сила.
Дали Данас го нападнал пророкот? Некаде од Швајцарија беше објавена света војна која го штити српскиот ајатолах од секаква лична грозоморност и ерес, а украдената земја ја враќа со непостоечка сила.
Парче простор изгубија опасните новинари давајќи слобода на своето мислење, што доведе до отуѓување на светата земја со нивното предавство. Таквата татковина ја чува само еден, решен да ја направи секоја замислива глупост за да остане херој на слепата толпа.
Да го читаше Домановиќ, ќе знаеше дека нема место, освен во бездната заедно со глутницата.
Сè што нема може да се врати во рамките на непостоечките граници, само ако замолчат оние кои го кочат процесот на есенско вриење во првата и единствена српска глава. Од неа излегува оптоварена мисловна слезина која води повторно и повторно до состојба на масивен нервен слом.
Многу луѓе, места и нешта, радости и остатоци од надеж – сето ова е некаде на границата на неповратното. Ајатолахот знае барем толку.
Но, тој сака да излезе од стравот од смртниот грев исчистен од туѓите стравови. Да се биде невин, исчистен со светата вода на патријархот, препорачан и инициран во светата тајна на вечниот живот.
Дали писмото од Швајцарија има врска со таквата намера? Се смета дека заканата од масовни егзекуции на новинари е поинаку формулирана од претходните закани. Некако е писмена „надвор од секаква очекувана мерка“, што би значело дека не потекнува од сектата, туку од непозната сфера над неа. Заканата е обликувана од јазикот на џихадот, без разлика колку креаторот се труди да се држи до Светосавскиот фундаментализам.
Аналогијата со францускиот сатиричен магазин е неизбежна, но погрешна и перверзна. Тамошниот масакр не го направија националистите кои ја штитеа Петтата република, туку исламските маченици, во чест на моќниот пророк.
Дали Србија има свои фанатици кои се робови на верувањето во сечија смрт, макар и само како излез од немоќта поради која би си ги одзеле животите? Нечиј занес допира до нив и ги држи во убиствена радост. Тоа е службата на стравот за која неволно биле ангажирани.
(Весникот Данас доби закана дека ќе мине како што минаа колегите од францускиот сатиричен весник Шарли ебдо и ова е повод за коментарот)
