Поранешната шефица на Обвинителството за гонење на организиран криминал и корупција, Вилма Русковска, во најновото интервју за „Ноќно студио“ ја отвори темата за судските процеси поврзани со упадот во Собранието на 27-ми април а објави 4news.mk
Поранешнара обвинителка Русковска во интервјуто ставила посебен акцент на политичките ветувања за амнестија од страна на актуелната власт на ВМРО-ДПМНЕ, како и на тезите на одбраната за можни нови докази кои би довеле до повторување на постапката.
Русковска истакна дека нема апсолутно ништо против доколку актуелната власт и претседателката Гордана Сиљановска-Давкова решат да ги амнестираат осудените за 27-ми април, посочувајќи дека тоа било дел од нивните предизборни ветувања.
„Јас не им ја пишував програмата на ВМРО и на претседателката Сиљановска дека ќе ги амнестира. Тие си ја напишаа програмата. Зошто не го реализираат тоа, треба нив да ги прашате,“ изјави Русковска. Таа додаде дека во секое демократско општество политичарите кои не ги исполнуваат ветувањата дадени пред доаѓањето на власт треба да поднесат оставки, критикувајќи го политичкиот менталитет на Балканот.
Воедно, Русковска потсети дека и претходната власт на СДСМ веќе интервенираше во овој случај, кога дел од обвинетите беа ослободени токму преку Закон за амнестија.
Одговарајќи на најавите дека одбраната поседува нови докази поради кои би барала повторување на судењето, поранешната обвинителка беше категорична дека такво нешто е невозможно, бидејќи, пресудата не се базира на измислени тези, туку на цврсти материјални докази.
Одговарајќи на најавите дека одбраната поседува нови докази поради кои би барала повторување на судењето, поранешната обвинителка беше категорична дека такво нешто е невозможно, бидејќи, пресудата не се базира на измислени тези, туку на цврсти материјални докази.
Транспарентност кон одбраната: Русковска најодговорно тврди дека ниту една изјава од сведоците не била сокриена, објави 4news.mk На адвокатите им биле скенирани и доставени сите материјални докази со кои располагало обвинителството. „Доказите не ги видовме само ние во судница, ги виде цел свет,“ истакнала таа, прашувајќи каков нов доказ би можел да излезе на виделина што би го оповргнал она што јавноста веќе го видела преку снимките од собраниските камери. Разјаснување на обвинението: не станува збор за класичен тероризам Русковска, која го водеше и одвоениот предмет за организаторите на настаните (во кој беше опфатен и поранешниот премиер Никола Груевски), уште еднаш ја расчисти дилемата околу правната квалификација која често се манипулира во јавноста.
Таа појасни дека лицата не биле гонети за кривичното дело „Тероризам“, туку за „Терористичко загрозување на уставниот поредок и безбедноста“ – дело кое има различна правна тежина и се наоѓа во сосема друга глава од Кривичниот законик.
На обвинувањата дека предметот бил политички мотивиран и работен по диктат на тогашната власт, Русковска одговори со потсетување на нејзината професионална судбина, објави 4news.mk Таа посочи дека токму за време на владеењето на СДСМ беше суспендирана и разрешена од функцијата шеф на ОЈО ГОКК, што според неа е најсилен доказ дека не постапувала по политички наредби, туку исклучиво врз основа на законот и дoказите.
