Сосема е јасно дека властите во Софија добро ќе ги искористат своите архиви во пропагандната војна со нашаѕа влада. Списокот на оние кои побарале бугарски пасош повикувајќи се на своето родословие е долг ама тој нема да се објави во целина или во поголеми делови. Тоа се чува за посебни моменти. А дека цел ќе бидат оние политичари кои се во функција да ја бранат „македонската посебност“ тоа секако ќе се случува. Актуелно е откритието на родословието на нашиот министер за внатрешни работи – Муцунски односно порано – Муцунов
Негирање на неговиот сопствен дедо: министерот за надворешни работи на Северна Македонија е внук на бугарски херој – објавува деновиве бугарски медиум. Имено, министерот за надворешни работи и трговија на Северна Македонија, Тимчо Муцунски, се покажа дека има бугарско потекло. Официјалните документи што се чуваат во Военоисторискиот музеј во Велико Трново (Дирекција „Државен военоисториски архив“) покажуваат дека неговиот дедо – Ефтим Муцунов, бил бугарски војник во Штабот на 14-от дивизиски артилериски полк во Скопјe во периодот 1942-1944 година, за време на Втората светска војна.
Четиринаесеттиот артилериски полк е формиран во Софија во 1915 година и учествувал во Првата светска војна, по што бил распуштен. За време на Втората светска војна, бил повторно формиран во Софија – на 29 јуни 1941 година. Станал дел од 14-та пешадиска вардарска дивизија и се сместил во гарнизон во Скопско. На 8 септември 1944 година, го започнал своето повлекување кон Бугарија, борејќи се со повлекувачките германски единици. Неколку дена подоцна, бил распуштен во Ќустендил.
Промена на презимето низ генерации
Ефтим Муцунов е роден во Берово. Таму во 1962 година е роден таткото на сегашниот министер за надворешни работи на Северна Македонија, Звонко. Самиот Тимчо Муцунски е исто така роден во Берово – на 29 јули 1989 година.
Како дел од кампањата за афирмација на новоформираната македонска нација по 1945 година во границите на комунистичка Југославија, презимето на Звонко Муцунов е променето во Муцунски. Овој чин, познат како „облекување на скии“, има за цел да ја прекине врската помеѓу новите генерации и нивните бугарски корени, како и трајно да го избрише бугарскиот идентитет во Југославија, сметаат бугрските портали.
Кој е Звонко Муцунов – таткото на Тимчо Муцунски?
Звонко Муцунски дипломирал право на Универзитетот „Свети Кирил и Методиј“ во Скопјe. Таму, според Светската биографска енциклопедија, магистрирал и по деловно право. Моментално е докторски кандидат на истиот универзитет со дисертација на тема „Односите меѓу Европската Унија и Соединетите Американски Држави“.
Својата професионална кариера ја започнал во југословенската дипломатска служба, а неговата прва позиција била трет секретар во Постојаната мисија на Југославија при Обединетите нации (ОН). По прогласувањето на независноста на Македонија во 1991 година, започнал да работи во Министерството за надворешни работи, каде што го раководел аналитичкиот оддел.
Набргу потоа, му била доделена задачата да го отвори Генералниот конзулат на Македонија во Њујорк – таму работел како вршител на должноста генерален конзул од 1995 до 2000 година. Во 2000 година, се вратил во Македонија и бил назначен за началник на кабинетот на тогашниот министер за надворешни работи Срѓан Керим. Оваа позиција ја извршувал во времето на министрите Илинка Митрева и Слободан Чашуле.
Од 2002 до 2006 година, Муцунски бил вршител на должноста амбасадор во Амбасадата на Република Македонија во Отава, Канада.
Во 2006 година, бил назначен за претседател на Владината комисија за односи со религиозните заедници и групи. Звонко Муцунски го предводеше тимот што го изработи новиот Закон за верски заедници и групи, кој доби позитивна оценка од Венецијанската комисија на Советот на Европа.
Тимчо Муцунски – министерот за кој во Софија се вели дека е од – бугарски корени сега ја напаѓа Бугарија
Тимчо Муцунски беше заменик-министер и градоначалник на една општина во Скопско од листата на моментално владејачката партија ВМРО-ДПМНЕ (2020-2021). А во 2019 година, ја одбрани докторската дисертација на Универзитетот „Свети Кирил и Методиј“ во Скопско.
Беше назначен за министер за надворешни работи во кабинетот на премиерот Христијан Мицкоски во 2024 година. Јавна тајна меѓу вработените во Министерството за надворешни работи е дека важните одлуки таму не ги носи министерот Тимчо, туку неговиот татко Звонко Муцунски. За бугарските портали зависноста на Звонко од југословенските безбедносни служби се пренесува врз неговиот син!
