Оваа награда во нејзиниот колектив – Офталмологија ја сметаат за адекватна на медицински Оскар и беше очекувана
Фанка Гилевска е првиот автор на оригиналниот научен труд со наслов: Are changes in visual acuity and astigmatism after corneal cross-linking (CXL) in keratoconus predictable? кој е објавен во научното списание Graefes Archive for Clinical and Experimental Ophthalmology. Оваа награда во нејзиниот колектив – Офталмологија ја сметаат за адекватна на медицински Оскар и беше очекувана, односно на сајтот на Клиниката беше најавена како можна во силна меѓународна конкуренција.
– Сега работам уште повеќе и со поголема мотивација на својот втор труд. Овие награди ги чувствувам како силна поддршка на истражувањата да се прават паралелно со клиничката работа и многу вредно признание за досегашната работа. Благодарна сум што работам во болница, во тим која е пријател на науката и ме поддржува еднакво во работата и истражувањата. Моето семејство ми е најголема среќа и секојдневна инспирација, рече Гилевска за медиумите.
Таа вели дека сите методи што се користат во светот ги има и кај нас. Ласерската корекција на диоптрија изминативе години се покажа и се потврди како успешен метод за брзо, безболно, безбедно и трајно да се ослободите од очилата.
Фанка Гилевска е специјалист офталмолог. Важи за докторка која е секогаш достапна за пациентите, и со секој пациент гради личен однос втемелен на доверба, стручност и посветеност. Најмногу ја мотивира истражувачката работа, а кога има потреба за нови практични вештини и примена на нови методи на работа, болницата ѝ дава поддршка за напредување и учење, со цел на крај новото знаење да се примени на пациентите. Вели дека успехот и напредувањето во животот се резултат на многу учење, работа и соработка со луѓе без разлика на полот. Квалитетното образование, родителите без предрасуди и вистинските пријатели ѝ помогнале да биде тоа што е. За неа животот е баланс меѓу навиките, а здрави навики се оние што може да ни донесат психолошки мир. Нејзино превозно средство е велосипедот, а се чувствува „совршено“ облечена во своите патики, тврди за едно женско списание.
Гилевсдка се сметља за „загрепски“ струичњак, затоа што почетокот н кариерата ја започнала таму. Во Загреб за научен труд добил награда за најдобар млад офталмолог, а редовно е предавач на конгресите што се однесуваат на новитетите во офталмологијата, во нашата земја и во Хрватска
Докторката објаснува дека настанот „Новитети во офталмологијата“ во нашата држава првпат беше организиран во 2015 година и секоја година понатаму. Цел на настанот е да се соберат сите офталмолози од нашата држава и меѓусебно да поразговараат за сѐ што се случува во нашата област во светот и како да се применат искуствата во земјата. Се презентираат нови методи на дијагностика и лекување, технолошки новости, нови лекови и сѐ останато што се случува во светската офталмологија. Медицината е наука во која мора постојано да сте во тек со светот и преку еден ваков настан на сите офталмолози им овозможуваат да ги чујат најважните и најинтересните новости како да биле на светски конгрес.
За разлика од порано, сега има брзи, безболни и трајни начини со кои пациентите може да се ослободат од очилата или од леќите и да гледаат одлично без нив. Кои се методите што се достапни, проверени и потврдени кај нас – убедена е д-р Гилевска.
– Сите методи што се користат во светот ги има и кај нас. Ласерската корекција на диоптрија изминативе години се покажа и се потврди како успешен метод за брзо, безболно, безбедно и трајно да се ослободите од очилата. Наменета е за млади, над 18 години и со стабилна диоптрија. Во случаите каде што диоптријата е превисока, а рожницата претенка за ласерска корекција на диоптријата, вградуваме факични интраокуларни леќи. Со нив пациентите постигнуваат подобра видна острина отколку со кое било друго помагало, очила и контактни леќи. Кај повозрасните кои веќе имаат и очила за читање, вградуваме мултифокални интраокуларни леќи, со што овозможуваме еднакво добро да гледаат и на далеку и близу, и на средно растојание. Нашите искуства споредбено со искуствата во светот се одлични, ние веруваме во тие оперативните методи што ги работиме.
– Често слушаме дека треба да се навикнеме на новото нормално, а веројатно и треба да се промениме и да создадеме ново нормално. Во таа насока, почнавме многу да размислува како да обезбедиме пристап за оние на кои тоа им е потребно, дури и во услови на криза. Започнавме со онлајн-консултации со закажани термини, кои во краток период наидоа на позитивен одзив кај пациентите – смета докторката.
Офтолмалогот активно работи на докторатот од областа на рефрактивната хирургија на Универзитетот во Загреб.
