На Леонардо ди Каприо ова не би му се случило, коментираат во филмското милје на Холивуд. Овој руски режисер го овои Оскарот за долгометражен документарец и тој по неговото создавање не се враќа во Русија, од разбирливи причини
Оскарот што рускиот автор Павел Таланкин го освои оваа година за филмот „Господин Никој против Путин“ во категоријата најдобар документарец беше изгубен на аеродромот во Њујорк откако не му беше дозволено да ја внесе позлатената статуетка во авионот. Компанијата „Луфтханза“ потврди за Би-Би-Си дека Оскарот е пронајден во меѓувреме, додека филмот „Господин Нико јпротив Путин“ можевте да се гледа неодамна на N1, во соработка со фестивалот Белдокс.
Павел Таланкин рече дека ја носел наградата „Оскар“ во рачниот багаж на летот за Германија во мината среда, но обезбедувањето на аеродромот „Џон Ф. Кенеди“ го спречило бидејќи рекле дека наградата може да се користи како оружје, објави Би-Би-Си.
Кога слетал во Германија, Оскарот за неговиот документарец „Господин Никој против Путин“ го немало во авионот.
„Статуетката Оскар сега е пронајдена и е безбедно кај нас во Франкфурт“, соопшти „Луфтханза“ во петокот, додавајќи дека компанијата е во директен контакт со патникот за да го организира враќањето на статуетката што е можно поскоро.
„Искрено жалиме за предизвиканите непријатности и му се извинуваме на сопственикот. Внимателното и безбедно ракување со работите на нашите патници е од најголема важност за нас. Во тек е внатрешна истрага за околностите“, соопшти германската авиокомпанија.
Би-Би-Си контактираше со Академијата за филмски уметности и науки, како и со Американската администрација за безбедност во сообраќајот (TSA), која е задолжена за безбедноста на аеродромите и која го спречи Таланкин да го внесе Оскарот во рачниот багаж.
Ко-режисерот на документарецот, Дејвид Боренштајн, изјави за Би-Би-Си дека му олеснало што статуетката била пронајдена по „многу конфузија“.
„Најдоа некоја распадната кутија и му рекоа да ја стави внатре… сите велеа: „Ова е Оскар, зошто го правите ова? Беше голема сцена“, рече Боренстин, додавајќи дека извршниот продуцент на документарецот, Робин Хесман, била на телефон, викаше по TSA и велејќи: „Не можете да го направите тоа“.“
Хесман изјави за Би-Би-Си дека била на спикерфон со Таланкин и TSA за да помогне, бидејќи Таланкин не зборува течно англиски.
Таа изјави дека тој патувал со својот Оскар повеќе пати, како и со неговата награда БАФТА, кои ги освоил оваа година, и во САД и на меѓународни летови, и дека никогаш немал проблем да го внесе Оскарот во авионот.
„Ова не би му се случило на Леонардо Ди Каприо“, рече таа.
Би-Би-Си виде снимки од вработените на Луфтханза како користат селотејп и меурчиња за да го спакуваат Оскарот во кутија.
Таланкин, ко-режисер и протагонист на победничкиот документарец за најдобар долгометражен документарец (во таа категори беше како кандидат и нашиот претставник „Силјан“), често патува со наградата за да ја изложи на настани и проекции.
За време на овој престој во Њујорк, тој им ја подаде на студентите во публиката на универзитетот за време на сесијата со прашања и одговори по проекцијата на документарецот.
Оскар е висок 34 сантиметри и тежи 3,9 килограми. Се проценува дека статуетката чини помеѓу 400 и 1.000 долари за да се направи.
„Господин Никој против Путин“ е документарец што го направи Таланкин, документирајќи ја ескалацијата на воената пропаганда во руското училиште каде што работеше, по руската инвазија на Украина во февруари 2022 година.
Тој сега е во егзил од Русија од безбедносни причини и живее некаде во Европа.
Русија го забрани овој документарец на три стриминг платформи со образложение дека „промовира екстремизам и тероризам“.
