Очајно мал број на новистудент по македонски, но и по турски и албански јазик. На што се должи овој феномен?
Откако беше објавено дека на Филолошкиот факултет „Блаже Конески“ на Универзитетот „Свети Кирил и Методиј“, по првиот уписен рок за студенти за новата академска година се запишале само 16 студенти, за ТВ Канал 5 се произнесе и проф. д-р Људмил Спасов.
– Се помалку има и на албански и турски. Факултетот е пазар на знаењето, пазар на науката, рече Спасов во вестите на оваа телевизија.
Тој е редовен професор на Филолошкиот факултет „Блаже Конески“. На нашата научна и културна јавност ѝ е познат како плоден автор од областа на науката за јазикот, како и од областа на науката за литературата.
Искра Пановска – Димковска, декан на катедрата по македонски јазик, вели дека лани се запишале 22 студенти по македонски јазик, а сега осум
– Секаде опаѓа интересот за изучување на мајчин и тоа не ништо ново, но има земји каде се обезбедуваат стипендии и се посегнува по маркетинг, вели Пановска – Димовска во вестите на „Телма“.
Анета Дучевска, декан на „Блаже Коневски“ пак смета дека има голем број на уписи на приватните универзитети, а и државата не го донела Законот за македонски јазик со кој ќе било задолжително зголемувањето на бројот на вработени лектори.
На насоките Македонски јазик и Македонска книжевност и јужнословенски книжевности, вкупно се запишале само 15 редовни и еден вонреден студент. Осуммина од нив ќе студираат Македонски јазик, седуммина Македонска книжевност и јужнословенски книжевности, а вонредниот студент е запишан на отсекот за книжевност.
На објавениот конкурс за оваа академска година, на овие две насоки факултетот имаше 190 слободни места.
